ئهمڕۆ دكتۆر ئهرسهلان بایز سهرۆكى پهرلهمانى كوردستان به ئامادهبوونى دكتۆر حهسهن محهمهد سووره جێگرى سهرۆكى پهرلهمان، له دیدارێكدا لهگهل فایز خورى كۆنسۆڵى شانشینى ئوردن له ههرێمى كوردستان، گفتوگۆیان لهبارهى پهیوهندیهكانى ههردو لا و كارهكانى ئامادهكارى بۆ بهفهرمى كردنهوهى كونسۆڵخانهى ئوردن له ههولێر و ئهو بورانه كرد، كه سوود له توانا و ئهزموونى شانشینى ئوردن له بواره جیاجیاكان بۆ گهشهپێدانى ههرێمى كوردستان وهربگیرێ .
فایز خورى كونسۆڵێ شانشینا ئوردنێ شابوونا خوه ل ههمبهر ههڤدیتنا وى دگهل سهرۆك و جێگرێ سهرۆكێ پارلهمێنتێ دیاركر و، كارێن ئاڤهدانكرن و پێشدهچۆنێن ههرێما كوردستانێ بلند نرخاندن.
ههروهها خوهیا ژى كر كو ب ڤان نێزیكان دێ ب فهرمى كونسۆڵخانهیا وهڵاتێ وى ل ههرێما كوردستانێ بێته ڤهكرن، دێ فرههترین كنسۆڵخانه بیت كو تهڤى كارێن فهرمى یێن وێ، دێ پاشكۆیێن بازرگانى و تهندروستى ژى ههبن و، دێ زۆرترین كارمهند ههبن، داكو بكاربن تێكلیێن ناڤبهرا ههردو وهلاتان د وارێن جودا ده خورتر بكن.
د ههمبهر ده ژى دكتۆر ئهرسهلان بایز سهرۆكێ پارلهمێنتا كوردستانێ شابوونا خوه ل ههمبهر وێ ههڤدیتنێ نیشاندا و، دیرۆكا تێكلیێن ناڤبهرا ههرێما كوردستانێ و وهڵاتێ ئوردنێ ب سهركهفتى وهسف كر و، پشتهڤانیا پارلهمێنتێ ژبۆ سهرخستنا كارێن وان ل ههرێما كوردستانێ نیشاندا و، هیڤى خوهست د ههموو واران ده ب تایبهتى كارێن پارلهمێنتى و مفا وهرگرتن ژ كارین و ئهزموونێن ههردو ئالیان ب هێزتر بكن. رهوشا سیاسی یا عێراقێ و دهڤهرێ و پرسێن سهر روپێڤا سیاسی یا عێراقێ ئالیهكێ دى یێ جڤینێ بوو.