ئهمڕۆ دكتۆر ئهرسهلان بایز سهرۆكى پهرلهمانى كوردستان به ئامادهبوونى دكتۆر حهسهن محهمهد سووره جێگرى سهرۆكى پهرلهمان پێشوازى له شاندێكى كۆنگرهى نهتهوهیی كورد كرد، كه پێكهاتبوو له خاتو ئۆلیفهر كۆچ جێگرى سهرۆكى كۆنگرهى نهتهوهیی كورد و جهلال كهمال زاده بهرپرسی پهیوهندیهكان و میرهام ئیكیت ئهندامى كۆمیتهى جێبهجێكردن و خهبات محهمهد نوێنهرى كۆنگرهى نهتهوهیی كورد له ههرێمى كوردستان .
د ههڤدیتنهكێ ده رهوشا سیاسی یا كوردستانى ب گشتى و گرێدانا كۆنگرهیا نهتهوهیی یا كورد و ئامادهكاریێن داوى ژبۆ گرێدانا كۆنگرێ هاتنه گفتوگۆكرن. ژبال خوهڤه دكتۆر ئهرسهلان بایز تهكهز لسهر خهباتا ئاشتیانه و دهموكراسیا ڤێ سهردهما گهلێ كورد ل تهڤایا پارچهیێن كوردستانێ و یهك خستنا ههلوێستا هێز و ئالیێن سیاسی كر، داكو ب كاربه دگهل پێشدهچۆن و گوههرتنێن دهڤهرێ رهبه و، سهرۆكێ پارلهمێنتێ تهكهز لسهر پاراستنا ئهزموونا ههرێما كوردستانێ كر، كو ئیرۆ بوویه شهمالكهك و روناهى دایه پارچهیێن دن یێن كوردستانێ ژى.
د بهشهكه دی یا ئاخفتنێن خوه ده سهرۆكێ پارلهمێنتێ تهكهز لسهر ههوجهداریا بهشداریكرنا ههموو پارت و ئالیێن سیاسی یێن كوردستانێ د كۆنگرهیێ ده كر، ژبۆ یهك خستنا گوتار و ههلوێستا كورد.
ههروهها پشتهڤانیا پارلهمێنتا كوردستانێ ژبۆ ئامادهكاریێن گرێدانا كۆنگرا نهتهوهیی یا كورد نیشاندا. پشتره شاندا مێهڤان كورتیهك لدور رۆلا كۆنگرهیا نهتهوهیی یا كورد كو ل ساڵا ههزار و نههسهد و نۆد و پێنجێ پارلهمێنتا كورد ل دهرڤه دامهزرا، بهرچاڤكر. ههروهها پشتهڤانیا خوه ژبۆ ئهزموونا سیاسی و دهموكراسیا ههرێما كوردستانێ دیاركر و، شابوونا خوه ل ههمبهر پێشدهچۆنێن ههرێما كوردستانێ د ههموو واران ده نیشاندا.
ههروهها دیتن نهرینێن خوه لدور گرێدانا كۆنگرهیا نهتهوهیی بهرچاڤكر و، وێنهیهك ل پهیماننامهیا نهتهوهیی پێشكێشی سهرۆكێ پارلهمێنتێ كر و، پشتهڤانیا خوه ژبۆ بهشداریكرنا ههموو پارت و ئالیێن سیاسی د كۆنگرێ ده نیشاندا.
ل داویێ ژى شاندا كۆنگرهیا نهتهوهیی یا كورد داوهتنامهیهك پێشكێشى سهرۆكێ پارلهمێنتێ كر، داكو نونهرهكێ خوه بشینه ژبۆ بهشدارى كرنێ د جڤینا كۆنگرهیا نهتهوهیی یا كورد ده، كو بڕیاره ل بیست و شهش و بیست و ههفتى ڤێ مههێ ل برۆكسل یا پایتهختا بهلژیكایێ بێته گرێدان.