دوه دهمژمێر نههێ شهڤێ، جارهكه دن بالهفرێن جهنگى یێن تركیێ ئاسمانێ ههرێما كوردستانێ پهزاند و ههیاما نیڤ دهمژمێرێ گوند و دهڤهرێن دیلان و شهپانان ل نێزیك گوندێ سیدا ل گهلیێ خواكۆركى و گوندێ ئیشمێ ل نێزیك گهلیێ رهش ل دهشتا بهرازگر ل سینوورێ سیدهكان بۆردومانكرنه.
تهڤى كو زیانێن جانى نهبوونه، لێ بهلێ دو ئهمبارێن ئاڤا ڤهخوارنێ یا وان گوندان وێرانكرنه كو دكهڤن سهر سینوورێ ئیدارا ناحیهیا پیران ی سهر ب قهزا مێرگهسورێ.
وهكى دى ههر شهڤا دهرباسبوویى بالهفرێن جهنگى یێن تركیێ بنارێ قهندیلێ بۆرودمانكر، د ڤى وارى ده نووچهگههانێ كوردستان تى ڤى راگههاند كو ههژمارهكه بالهفرێن جهنگى یێن تركیێ دهردوورێ گوندێن لیۆژێ و ئێنزێ و بۆكریسكان ل بنارێ قهندیلێ بۆرودمانكرنه، ژبلى كو تا نها زرارێن وێ نههاتنه زانین ژى، لێ ترس و دلگرانى ل جهم رۆنشتڤانێن وان گوندان چێكریه.