سه‌عات 11ى پێشنیوه‌رۆی ئه‌مرۆ 9/2/2010 به‌مه‌به‌ستى له‌نزیكه‌وه‌ ئاگاداربوون له‌ره‌وشیان و ده‌سكه‌وتنى داتایه‌كى دروست، وه‌فدێكى په‌رله‌مانى كوردستان له‌هه‌ردوو لێژنه‌ى مافى مرۆڤ و لێژنه‌ مافى ئافره‌تان سه‌ردانى به‌رێوه‌به‌رایه‌تى چاكسازى گه‌ورانیان له‌شارى هه‌ولێر كردو له‌لایه‌ن هه‌ردوو به‌رێوه‌به‌رى حوكومدراوان و راگیراوان پێشوازییان لێكرا.

وه‌فده‌كه‌ى په‌رله‌مانى كوردستان كه‌ پێكهاتبوون له‌په‌رله‌مانتاران ئاسۆ كه‌ریم و تارا ته‌حسین و به‌فرین حسین له‌لێژنه‌ى مافى مرۆڤ و په‌رله‌مانتار سه‌میره‌ گۆران له‌لێژنه‌ی مافى ژنان له‌په‌رله‌مانى كوردستان سه‌ردانى به‌رێوه‌به‌رایه‌تى چاكسازى گه‌ورانیان كردو یه‌كه‌ یه‌كه‌ى به‌شه‌كانى بنكه‌ى ته‌ندروستى و چێشتخانه‌و گۆره‌پان و توێژه‌رانى كۆمه‌ڵایه‌تى و فه‌رمانگه‌ى داواكارى گشتى سه‌ربه‌ چاكسازیه‌كه‌یان به‌سه‌ركرده‌وه‌و پاشان له‌نزیكه‌وه‌ له‌كێشه‌و گرفته‌كانى به‌ندیه‌كانیان كۆڵیه‌وه‌، كه‌ ده‌ركه‌وت گرفتى شوێنى پێویست بۆ گیراوه‌كان و كۆنى و نه‌بوونى بنه‌ماكانى گرتووخانه‌ى هاوچه‌رخ بۆ درێژه‌دان به‌پرۆسه‌ى چاكسازى له‌و گرتووخانه‌یه‌ هه‌یه‌.

له‌لایه‌ن خۆیانه‌وه‌ په‌رله‌مانتاران ده‌ستخۆشیان له‌به‌رێوه‌به‌ران و كارمه‌ندانى به‌رێوه‌به‌رایه‌تى چاكسازى گه‌وران كرد بۆ هه‌موو ئه‌و خزمه‌تگوزاریانه‌ى كه‌ به‌پێى توانا پێشكه‌ش به‌به‌ندیه‌كان كراون له‌رووى جل و به‌رگ و خۆراك و پێداویستى رۆژانه‌ى به‌ندیه‌كان و هاوكات به‌لێنیشیاندا سه‌رۆكایه‌تى په‌رله‌مانى كوردستان له‌ كێشه‌كانیان ئاگاداربكه‌نه‌وه‌