Lehiyeke mezin li vê deverê rabûye.
Jiber ev pêla bihêz ya baran barînê ku, ev çend roje Kurdistan daye ber xwe, lehiyên mezin li çend deveran rabûne û zirarên canî û madî jî çê bûne.
Di vê derbarê de duhê li devera Qeredaxê 4 welatiyên ku, endamên komeke çiyageriyê bûne ketine ber lehiyê û di encam de canê xwe ji dest dane.
Herwiha li devera Gulale ya ser bi Xaneqînê jî jiber rabûna lehiyê herî kêm 74 xanî rûxiyane û hijmareke gelek mezin sewal jî jiber lehiyê mirdar bûne.
Herwiha li devera Kirfirî û Kelarê jî jiber lehiyan gelek rêyên hatûçûyê têkçûne.
Li Dihuk û Zaxoyê jî lehiyên mezin rabûne lê ti zirarên canî û madî nebûne.
Li Hewlêr û qeza û nahiyeyên derdorê jî lehî rabûn lê ne lehiyên mezin bûn.
Li Rojhilatê Kurdistanê jî bi heman awayî lehiyên mezin bi taybetî li parêzgeha Kirmaşanê rabûne û zirarên mezin yên madî di encama wan lehiyan de çê bûne.
Tê payîn ku, heta roja çarşemê baran barîn li Kurdistanê berdewam be.
komênte (0)
heta niha komênt nehatiye nivîsandin