Li gel komîteya karûbarên şehîdan ya parlementoya Îraqê civiya.
Îro Serokwezîrê Kurdistanê Mesrûr Barzanî li gel komîteya karûbarên şehîd û girtiyên siyasî û zirardîtiyên destê rejîmê berê yê Îraqê civiya û piştî civînê jî wisa nivîsand;
Îro me pêşwaziya komîteya taybet bi şehîdan, qurbanî û girtiyên siyasî ser bi parlementoya Îraqê kir.
Di civînê de me giftûgo derbarê pêşde birina hevkarî û hemahengiya navbera hikûmeta herêma Kurdistanê û hikûmeta federalî bo pêşkêş kirina zêdetir ya xizmetgozariyan bi kesûkarên şehîd, enfalkiriyan û zirardîtiyên destê rejîmaberê yê Îraqê de kir.
Me ev yek anî ziman ku, xelkê Kurdistanê qurbaniyeke gelek zêde daye û rûbirûyê hovanetirîn pêlên enfal, kîmiyabaran, komkujî û wêrankariyê bûye û daxwaze me ji hikûmeta federalî eve ku, rêz ji qurbanîdana xelkê Kurdistanê û tevahiya qurbaniyên destê rejîma berê ya Îraqê bigire û bi awayeke şayîste qerebûya kesûkarên şehîdan û zirardîtiyên destê rejîma berê bike.
Me tekez li ser vê yekê kir ku, bo xizmet kirina kesûkarên şehîdan û enfalkiriyan çi ji destê me were emê kemaniyan nekin.
Serok û endamên komîteya şehîd, qurbanî û girtiyên siyasî ya parlementoya Îraqê jî bi awayeke kurt behsa kar,proje û armanca serdana xwe kir û balkêşande ser vê yekê ku, armanca wan bihêztir kirina hemahengiye li gel wezaretê karûbarên şehîd û enfalkiriyan bo serrast kirina çend qanûnek bo xizmet kirin û qerebû kirina kesûkarên şehîd, girtiyên siyasî û zirardîtiyên destê rejîmê berê yê Îraqê ye.
komênte (0)
heta niha komênt nehatiye nivîsandin