به‌هۆى وه‌رگه‌رانى پاسێكى گه‌شتیارانى عێراقى له‌ توركیا 37 كه‌س بوونه‌ قوربانى

 9 كه‌س گیانیان له‌ده‌ست دا و 28ى دیكه‌ش بریندار بوون

به‌هۆى وه‌رگه‌ڕانى پاسێكى گه‌شتیارییه‌وه‌ له‌سنوورى ناوچه‌ى شیرناخ له‌ باكوورى كوردستان، ده‌یان كه‌س بوونه‌ قوربانى، كه‌ زۆرینه‌یان عێراقین.

به‌پێی هه‌واڵێكى ئاژانسى هه‌واڵیی (ئه‌نادۆل)ى توركی، ئه‌مڕۆ هه‌ینی 12/1/2018 پاسێكى نه‌فه‌رهه‌ڵگر، له‌ ڕێگه‌ى سیلۆپی- خاپوور له‌نزیك سنوورى هه‌رێمى كورستان، وه‌رگه‌ڕا.

ئاژانسه‌كه‌، ئه‌وه‌شى خستووه‌ته‌ ڕوو، كه‌ له‌و ڕووداوه‌دا 9 كه‌س گیانیان له‌ده‌ست دا و 28ى دیكه‌ش بریندار بوون، كه‌ برینی دوانیان زۆر سه‌خته‌.

ئاژانسه‌ توركییه‌كه‌ ئاماژه‌ى به‌وه‌شداوه‌، كه‌ زۆرینه‌ى قوربانییه‌كان هاووڵاتی عێراقین، به‌بێ ئه‌وه‌ى زانیارى زیاتر بڵاو بكاته‌وه‌.