به‌هۆی داڕمانی باڵه‌خانه‌یه‌ك كرێكارێك گیانی له‌ده‌ستدا

شه‌شی دیكه‌ بریندارده‌بن


بەهۆی ڕووخانی باڵەخانەیەك شەش كرێكار بوونە قوربانی كە یەكێك لەوانە گیانی لە دەستداوە.

له‌كاتی كاركردن له‌ باڵه‌خانه‌كه‌، بۆ كۆنكریتكردنی نهۆمی یه‌كه‌م، باڵه‌خانه‌كه‌ داڕووخاوه‌ و به‌ هۆیه‌وه‌ كرێكارێك گیانی له‌ده‌ستداوه‌، شه‌شی دیكه‌ بریندارده‌بن.

شەش كرێكاره‌ بریندارده‌كان به‌ ئۆتۆمبێلی فریاگوزاری گواسترانه‌وه‌ بۆ نه‌خۆشخانه و چاره‌سه‌ری پێویستییان بۆ كراوه‌‌.

راگه‌یاندنی به‌رگری شارستانی زاخۆش رایده‌گه‌یه‌نێت، تا ئێستا ئاماره‌كان، ته‌نها 6 قوربانیین، گه‌ڕان و پشكنینیش له‌ ئه‌گه‌ری زیادبوونی ژماره‌ی ئه‌و كرێكارانه‌ی كه‌وتوونه‌ته‌ ژێر كۆنكریته‌كه‌ به‌رده‌وامه‌، به‌ڵام به‌ گوێره‌ی لێكۆڵینه‌وه‌ سه‌ره‌تاییه‌كانییان هیچ كه‌سێكی دیكه‌ نه‌كه‌وتووه‌ته‌ ژێر كۆنكریته‌كه‌.