بەهۆی تێكچوونی هەناسەدان لە كاتی نوستندا ، مرۆڤ دووچاری پرخە پرخ دەبێتەوە ، كاتێك هەوا لە لووتەوە بە زەحمەت بەرەو سیەكان دەچێت ، ئەم دیاردەیەش مرۆڤەكە دووچاری شەرم و دەوروبەریشی دووچاری نارەحەتی دەكاتەوە .
لێكۆڵەرەوەكان ئەو دیاردەیە بۆ خواردنی هەندێ خواردن و خواردنەوە بەر لە نووستن دەگەڕێننەوە ، بۆیە پێشنیار دەكەن گیراوەیەكی زۆر سادە بخورێتەوە كە ئامادەكردنیشی زۆر ئاسانە و رۆژانە دەتوانرێت ئامادەبكرێت و بخورێتەوە ، بۆ ئەوەی لە كاتی نووستندا دیاردەی پرخە پرخ بەتەواوی نەمێنێت .
گیراوەكە بریتییە لە گوشینی دوو سێو و دوو گێزەر و چارەگە لیمۆیەك و پارچەیەك لە زەنجەبیلی تەڕ ، ئەو پێكهاتانە تێكەڵ بە یەك دەكرێت و دەگوشرێت و بەر لە نووستن بەچەند كاتژمێرێك دەخورێتەوە . شارەزایان ئامۆژگاری ئەو كەسانەی دیارەدەی پرخە پرخیان هەیە لە نووستن دەكەنەوە كە بەر لە نووستن خۆیان لە خواردن و خواردنەوەی ماستاوو سووركراوەكان و خواردنەوەی كحولیەكان و شیرنەمەنی بە دوور بگرن .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.