ساڵیادی كۆچی دوایی هونه‌رمه‌ند (ته‌ڵعه‌ت سامان) به‌رز راگیرا

كۆی شانۆنامه‌كانی له‌ دوو به‌رگدا به‌سه‌ر ئاماده‌بواندا دابه‌ش كرا

ئه‌مرۆ ده‌زگای رۆشنبیری و راگه‌یاندنی پارتی و خانه‌ی موكریانی بۆ چاپ و بڵاوكردنه‌وه‌، رێوڕه‌سمێكی تایبه‌ت به‌ یه‌كه‌م ساڵیادی كۆچی دوایی نووسه‌ر و هونه‌رمه‌ند (ته‌ڵعه‌ت سامان)نیان له‌ هۆڵی راگه‌یاندن به‌ڕێوه‌ برد.

له‌ كۆڕه‌كه‌دا كه‌ به‌ به‌شداریی كۆمه‌ڵێكی به‌رچاو له‌ نووسه‌ران و هونه‌رمه‌ندان ساز كرابوو، هه‌ر یه‌ك له‌  مه‌حموود محه‌مه‌د ئه‌ندامی مه‌كته‌بی سیاسی و به‌رپرسی ده‌زگای رۆشنبیری و راگه‌یاندنی پارتی و(كاروان عه‌بدوڵڵا) به‌رپرسی خانه‌ی موكریانی بۆ چاپ و بڵاوكردنه‌وه‌ له‌سه‌ر ژیان و خه‌باتی هونه‌ری و كه‌سایه‌تیی هونه‌رمه‌ند ته‌ڵعه‌ت سامان گوتاریان پێشكه‌ش كرد و له‌مباره‌وه‌ مه‌حموود محه‌مه‌د گوتی: "ئه‌و هونه‌رمه‌نده‌ به‌و پێیه‌ی له‌ كاتێكدا هاتۆته‌ نێو بواری شانۆ، رژێمی ئه‌وكاتی عێراق هه‌وڵی ته‌عریبكردن و شێواندنی كولتووری كوردیی داوه‌ و، ئه‌ویش به‌ شانۆ و به‌رهه‌مه‌كانی به‌رگری له‌ كولتووری كوردی كردووه‌ و ئه‌و هه‌وڵانه‌ی نه‌یارانی كوردی شكست پێ هێناوه‌."

Ktv

هاوكات ژیاننامه‌ی هونه‌رمه‌ندی كۆچكردووه‌ به‌ فیلمێكی دیكۆمێنتاری پێشكه‌ش كرا.

دواتر كۆی شانۆنامه‌كانی له‌ دوو به‌رگدا به‌سه‌ر ئاماده‌بواندا دابه‌ش كرا و خه‌ڵاتی ڕێزلێنان به‌خشرایه‌ بنه‌ماڵه‌ی هونه‌رمه‌ند ته‌ڵحه‌ت سامان.

هه‌ر به‌م بۆنه‌ییه‌وه‌  فه‌ره‌یدوون سامان، برای هونه‌رمه‌دنی كۆچكردوو به‌ بۆنه‌ی كۆكردنه‌ه‌ی به‌رهه‌مه‌ شانۆییه‌كانی ته‌ڵعه‌ت سامان خه‌ڵاتی ڕێزلێنانی پێ به‌خشرا.

Ktv

هونه‌رمه‌ندی شانۆكار و ده‌رهێنه‌ر ته‌ڵعه‌ت سامان له‌ ساڵی 1946 له‌ شاری هه‌ولێر له‌دایك بووه‌، له‌ ساڵه‌كانی 1968-1970 به‌كالۆریۆسی له‌ به‌شی شانۆیی ئه‌كادیمیای هونه‌ره‌ جوانه‌كانی به‌غداد به‌ده‌ست هێناوه‌.

ده‌ستپێكی كاره‌كانیشی به‌ نووسینی چه‌ند درامایه‌ك بووه‌ له‌ساڵی 1962، دامه‌زرێنه‌ری تیپی قوتابیانی هونه‌ری به‌غداد بووه‌ له‌ ساڵی 1969، وه‌كوو ده‌رهێنه‌ریش له‌ چه‌ندین دراماو زنجیره‌ی ته‌له‌فزیونی و شانۆیی كاری كردووه‌، وه‌كوو وه‌رگێڕیش چه‌ندین ده‌قی شانۆیی له‌ عه‌ره‌بییه‌وه‌ وه‌رگێراوه‌ته‌ سه‌ر زمانی كوردی.

له‌ ساڵی 1970 تیپی لاوانی دیموكراتی كوردستانی دامه‌زراندوه‌، له‌ ساڵی 1972 لقی هه‌ولێری كۆمه‌ڵه‌ی هونه‌ر و وێژه‌ی كوردی دامه‌زراندووه‌، له‌ ساڵی 1974 تیپی هونه‌ری نوێی دامه‌زراندووه‌، له‌ ساڵی 1992 تیپی شانۆیی سامانی دامه‌زراندووه‌، له‌ ساڵی 1996 سه‌رۆكی لقی هه‌ولێری یه‌كێتی هونه‌رمه‌ندانی كوردستان بووه‌، پاشان بووه‌ته‌ سه‌رۆكی مه‌ڵبه‌ندی گشتیی كۆمه‌ڵه‌ی هونه‌ر و وێژه‌ی كوردییه‌ له‌ شاری هه‌ولێر.

Ktvهونه‌رمه‌نده‌ (ته‌ڵعه‌ت سامان)  یه‌كێك بوو له‌و ده‌رهێنه‌رانه‌ی بووه‌ مایه‌ی دروست بوونی چه‌ندیین هونه‌رمه‌ند، زۆرێك له‌ هونه‌رمه‌ندانی نێو گۆڕه‌پانی شانۆ له‌ هه‌ولێر له‌سه‌رده‌ستی هونه‌رمه‌ند (ته‌ڵعه‌ت سامان) هاتنه‌ سه‌ر ته‌خته‌ی شانۆ، له‌و سه‌رده‌مه‌ پڕ زه‌حمتیه‌ی ساڵانی حه‌فتاكان و هه‌شتاكان ئه‌و كۆڵی نه‌داوه‌و هه‌میشه‌ ئاماده‌ییه‌كی باشی هه‌بووه‌ بۆ كاری شانۆیی.
وه‌ك چاودێرانی هونه‌ر ئاماژه‌ی بۆ ده‌كه‌ن، یه‌كێك بووه‌ له‌و كه‌سانه‌ی شانۆی له‌ده‌ره‌وه‌ی هۆڵه‌كان نمایشكردووه‌، شانۆی گه‌ڕه‌كۆكی له‌ لادێیه‌كان و شوێنه‌ گشتییه‌كان نمایشكردووه‌، كه‌ ئه‌و هه‌وڵه‌ی وایكرد زیاتر بینه‌ر ئاشنای شانۆ بكات و، له‌ هه‌مان كاتدا شانۆ بۆ بینه‌ر ببات، له‌بڕی ئه‌وه‌ی بینه‌ر بۆ شانۆ بێته‌ هۆڵه‌كان!، به‌تایبه‌تی بۆ ئه‌و بینه‌رانه‌ی شانۆ به‌لایانه‌وه‌ كارێكی نامۆ یاخوو ئاشنایه‌تیان هه‌ر نه‌بووه‌ له‌گه‌ڵی دا.
لایه‌نێكی دیكه‌ی كار و به‌رهه‌می ئه‌و هونه‌رمه‌نده‌ ناوازه‌یه‌ ئه‌وه‌بووه‌، توانیویه‌تی ده‌قی شانۆیی بنوسێت، خاوه‌نی قه‌ڵه‌مێك و هزرێكی فراوان بووه‌، زۆربه‌ی ئه‌و به‌رهه‌مه‌ شانۆییانه‌ی نمایشی كردوون خۆی ده‌قه‌كانی نووسیووه‌، كه‌ ئه‌وه‌شیان خاڵێكی سه‌ركه‌وتنی به‌رهه‌مه‌كانی ئه‌و هونه‌رمه‌نده‌ بووه‌ .

Ktv

به‌رهه‌مه‌كانی وه‌ك نووسه‌رو ده‌رهێنه‌ر :

1_ شانۆگه‌ری نه‌فره‌تلێكراو _ نووسین و ده‌رهێنان

 

2_ شانۆگه‌ری جه‌نگاوه‌ری شێت ، نووسین و سه‌رپه‌رشتی

 

3_ شانۆگه‌ری ترس ، نووسین و ده‌رهێنان

 

4_ شانۆگه‌ری بووكی په‌رده‌ ، ده‌رهێنان

 

5_شانۆگه‌ری پیلان ، نووسین و ده‌رهێنان

 

6_ شانۆكه‌ری قه‌ل و ڕووته‌ ، نووسین و ده‌رهێنان

 

7_شانۆگه‌ری پێشانگا ، ده‌رهێنان

 

8_ شانۆگه‌ری خاڵۆی ڕێبوار ، ئاماده‌كردن و ده‌رهێنان

 

9_ شانۆگه‌ری خه‌ملی په‌مۆ ، ئاماده‌كردن و ده‌رهێنان

 

10_ شانۆگه‌ری گێچڵه‌كانی حه‌مه‌ وه‌ی‌وه‌ی ، نووسینو ده‌رهێنان .

 

11_ شانۆگه‌ری بووكی به‌فر ، ده‌رهێنان

 

12_ شانۆگه‌ری قه‌ڵای ده‌مدم ، نووسین و ده‌رهێنان

 

13_ شانۆگه‌ری خانزادێكی تر ، نووسین و ده‌رهێنان

 

14 _ شانۆگه‌ری خه‌ج و سیامه‌ند ، ئاماده‌كردن و ده‌رهێنان

 

15_ شانۆگه‌ری فایلی 67 ، ده‌رهێنان

 

16_ شانۆگه‌ری شاری ئه‌وین ، نووسین و ده‌رهێنان

 

17_ شانۆگه‌ری حه‌مه‌دۆك ، ئاماده‌كردن و ده‌رهێنان

 

18_ شانۆگه‌ری ئه‌فسانه‌ی چیای ئاگرین ، ده‌رهێنان

 

19_ شاۆگه‌ری سێداره‌ ، نووسین و ده‌رهێنان

 

20_شانۆگه‌ری زنجیر ، ده‌رهێنان

 

21_ شانۆگه‌ری گوریس‌ ، نووسین و ده‌رهێنان

 

22_ شانۆگه‌ری چه‌پكێ گوڵ ، نووسین

 

23_ شانۆگه‌ری دووكه‌ڵ ، نووسین

 

24_ شانۆگه‌ری حوكمی قه‌ره‌قووش‌ ، ده‌رهێنان

 

25_ شانۆگه‌ری دڵدارێكی قرچۆك ، ده‌رهێنان

 

26_زنجیره‌ درامای فه‌قێ ئه‌حمه‌د داره‌شمانه‌ ، نووسین و ده‌رهێنان

 

27_ شانۆگه‌ری ئالوگۆڕ ، نووسین

 

28_ درامای كه‌وه‌كانی قه‌ره‌چووخ ، نووسین و ده‌رهێنان

 

29_ درامای سێ كه‌له‌پووچ ، سیناریۆو ده‌رهێنان

 

30_ درامای چه‌قۆ ، سیناریۆو ده‌رهێنان

 

31_ زنجیره‌ی ته‌لاری مه‌زن ، نووسین و ده‌رهێنان

 

32_ درامای هه‌ڵچوون ، نووسین

 

33_ درامای هه‌ڵگه‌ڕانه‌وه‌ ، نووسین و ده‌رهێنان

 

34_ درامای مه‌رج ، نووسین و ده‌رهێنان

 

35_ درامای گوێزان ، ئاماده‌كردن و ده‌رهێنان

شایانی باسه‌ ئێواره‌ی 14-01-2019 به‌ رووداوی هاتوچۆ له‌ نێوان پیرمام و هه‌ولێرهونه‌رمه‌نده‌ (ته‌ڵعه‌ت سامان) كۆچی دوایی كرد.

كوردستان تیڤی/ كامران

بابه‌ته‌ پەیوەندیداره‌كان

نوێترین ڤیدیۆ

COVID-19
تووشبوون
1,182,398
گیانله‌ده‌ستدان
63,899
چاکبوونەوە
243,871
تووشبووان
215
گیانله‌ده‌ستدان
3
چاکبوونەوە
75
تووشبووان
878
گیانله‌ده‌ستدان
56
چاکبوونەوە
259