پاپای ڤاتیکان داواى بەرقەراربوونی ئاشتی لە عێراق دەکات  

پاپا هیوای بەیەکەوە ژیانی ئاشتییانە بۆ گەلانی عێراق ده‌خوازێ


پاپای ڤاتیکان پەیامێک بۆ کەسایەتییەکی ئاینیی مەسیحیی عێراق دەنێرێت و نزاو پارانه‌وه‌ش بۆ بەرقەراربوونی ئاشتی لە عێراق دەکات.

لە نامەکەدا، کە بۆ کاردیناڵ مار لویس ساکۆ، پەتریارکی بابلی کلدانیی عێراقی ناردووە، پاپا فرەنسیس، پاپای ڤاتیکان هیوای بەیەکەوە ژیانی ئاشتییانەی بۆ گەلانی عێراق خواستووە.

پاپا هەروەها رایگەیاندووە، کە نزا بۆ بەرقەراربوونی ئاشتی لە عێراق و خۆڕاگرتنی عێراق بەرامبەر هەموو ئەو کێشانەی دەبنە لەمپەر لەبەردەم ئاشتەوایی لە عێراق دەکات.