هاوڵاتییه‌كی كورد له‌ سنه‌ له‌ سێداره‌ درا

تەمەنی 43 ساڵه‌

سزای سێدارەی هاوڵاتییەکی کورد لە بەندیخانەی ناوەندیی شاری سنە کە بە تۆمەتی کوشتنی ئەنقەست ئەو سزایەی بەسەردا سەپابوو، جێبەجێ کرا.

رێكخراوی هه‌نگاو بۆ مافه‌كانى مرۆڤ بڵاوی كرده‌وه‌ كه‌ئه‌مرۆ دووشه‌ممه‌ سزای سێدارەی هاووڵاتییەکی خەڵکی سنە بە ناوی کەیوان ڕەزاقولی، لە بەندیخانەی ناوەندی ئەو شارە بەڕێوەچوو.

ئاماژه‌ به‌وه‌ش ده‌كات كه‌ کەیوان رەزاقوڵی، تەمەن 43 ساڵ، چوار ساڵ پێش ئێستا بە تۆمەتی کوشتنی هاوورێیەکی خۆی دەستبەسەر و لەلایەن دەزگای دادوەریی ئێرانەوە سزای سێدارەی بەسەردا سەپێندرابوو.