10 تووشبووی دیكه‌ی كۆڕۆنا له‌ عێراق گیانیان له‌ده‌ستدا

وەزارەتی تەندروستیی و ژینگەی عێراق لە راگەیەنراوێکدا ئاماری ٢٤ی کاتژمێری رابردووی سەبارەت بە ڤایرۆسی کۆرۆنا بڵاوکردەوە.

به‌ پێی ڕاگه‌ێندراوه‌كه‌  لە ماوه‌ی ٢٤ کاتژمێری رابردوودا، ١٠ کەس بەھۆی ڤایرۆسی کۆرۆنا (COVID-١٩) گیانیان لەدەستداوە و  ٨٠٤ کەسیش تووشی ڤایرۆسی کۆرۆنا بوون.

هه‌روه‌ها ھەزار و ٦٢٥ تووشبووش ڤایرۆسه‌كه‌یان تێپه‌ڕاندووه‌ و چاكبوونه‌ته‌وه‌.

هه‌روه‌ها له‌ ڕاگه‌ێندراوه‌كه‌دا هاتووه‌ كه‌ تا ئێستا ٦١٥ ھەزار و  ٣٨٠ کەس تووشی ڤایرۆسی كۆڕۆنا بوون  و لەو ژمارەیەش ١٣ ھەزار و  ١٠ کەس گیانیان لەدەستداوە و ٥٨٤ ھەزار و ٧٥٢ی دیکەیش چاکبوونەتەوە.