له‌كه‌ركووك ده‌ست به‌سه‌ر بڕێك مادده‌ی ھۆشبه‌ردا گیرا

كه‌سێك ده‌ستگیركراوه‌ كه‌ حه‌وت ھه‌زار و 900 حه‌بی ھۆشبه‌ری پێبووه‌

له‌ ئۆپه‌راسیۆنێكی ھێزه‌كانی ھۆبه‌ی به‌ره‌نگاربوونه‌وه‌ی مادده‌ی ھۆشبه‌ردا له‌ شاری كه‌ركووك، ده‌ستگیرا به‌سه‌ر بڕێك مادده‌ی ھۆشبه‌ردا.

وه‌زاره‌تی ناوخۆی عێراق له‌ راگه‌یه‌نراوێكدا بڵاویكرده‌وه‌ كه‌ پشت به‌ستن به‌ زانیارییه‌كان، ھێزه‌كانی ھۆبه‌ی به‌ره‌نگاربوونه‌وه‌ی مادده‌ی ھۆشبه‌ر له‌ شاری كه‌ركووك له‌ ئۆپه‌راسیۆنێكدا، كه‌سێكیان ده‌ستگیركراوه‌ كه‌ حه‌وت ھه‌زار و 900 حه‌بی ھۆشبه‌ری پێبووه‌.

له‌ راگه‌یه‌نراوه‌كه‌دا ئاماژه‌ به‌وه‌دراوه‌ كه‌ ده‌ستگیركراوه‌كه‌ رێوشوێنی یاسایی له‌به‌رانبه‌ری گیراوه‌ته‌به‌ر و ره‌وانه‌ی لایه‌نی دادوه‌ریی كراوه‌ بۆ ئه‌وه‌ی سزای دادپه‌روه‌رانه‌ بدرێت.