له‌كوردستانی ئێران ئه‌ندامێكی سوپای پاسداران كوژرا

ئەندامێکی سوپای پاسداران لە گوندێکی پیرانشار له‌كوردستانی ئێران لە لایەن گرووپێکی نەناسراوەوە کوژرا.

 رێكخراوی هه‌نگاو بۆ مافه‌كانی مرۆڤ بڵاوی كرده‌وه‌: ئێواره‌ی دوێنێ هه‌ینی 16 ى 4 ى 2021، ،  گرووپێکی نەناسراو لە جادەی گوندی"زیویە" ی سەر بە پیرانشار، ئۆتۆمبێلێکیان دایە بەر دەستڕێژی گولـله‌ و  سەرنشینی ئۆتۆمبێلەکە کوژرا.

سەرچاوەکه‌ بۆ هه‌نگاو راشیگه‌یاندووه‌: ئه‌و ئه‌ندامه‌ی سوپای پاسداران ناوی  عوسمان حاجی حوسێنیه‌ و خەڵکی پیرانشاره‌ و  ماوەی 17 ساڵە ئەندامی سوپای پاسدارانە.

رێكخراوه‌كه‌ ئاماژه‌ بۆ ئه‌وه‌ش ده‌كات، دوای رووداوه‌كه‌ ته‌رمی ئه‌و ئه‌ندامه‌ی سوپای پاسداران گواستراوه‌ته‌وه‌ بۆ نه‌خۆشخانه‌  تا ئێستاش هیچ کەس یان گرووپێک بەرپرسایەتیه‌تی ئەو کردەوەیەی له‌ئه‌ستۆ نه‌گرتووه‌.