ل هه‌فتیا بهێت ببهایێ 4 ملیار و 500 ملیون دینارا وه‌كو قوناغا ئێكێ پرۆژه‌ ل ده‌ڤه‌رداریا به‌رده‌ره‌ش دێ هێنه‌ راگه‌هاندن


بوو دووڤ چونا پرۆژێ خزمه‌تگوزارى وزانینا پێدڤیێن خه‌لكێ ده‌ڤه‌رێ  ئه‌ڤرو سپێدێ  22-4-2021  د.على ته‌ته‌ر پارێزگارێ دهۆكێ ودگه‌لدا چه‌ند رێڤه‌به‌رێن فه‌رمانگه‌هێن په‌یوه‌ندیدار سه‌را ده‌ڤه‌رداریا به‌رده‌ره‌ش دا ژلایێ خه‌لیل محمود ده‌ڤه‌ردارێ به‌رده‌ره‌ش ورێڤه‌به‌رێن فه‌رمانگه‌ها پێشوازى لێ كرن.
پاش دكومبونه‌كێدا پارێزگارێ دهۆكێ دیاركر كو سه‌روكێ حکومەتا هه‌رێما كوردستانێ به‌رێز مسرور بارزانى رازیبونا خو دیاركریه‌ كو ژماره‌كا پرۆژێن فه‌ر وپێدڤى دبیاڤێ رێك وپرا وئاڤێ وته‌ندورستى وپه‌روه‌رده‌یى و...هتد  ببهایێ (4) ملیار و (500)  ملیون دینارا وه‌كو قوناغا ئێكێ  ل سنورێ ده‌ڤه‌رداریا به‌رده‌ره‌ش بهێنه‌ ئه‌نجامدان ول هه‌فتیا بهێت ئه‌و پرۆژه‌ دێ هێنه‌ راگه‌هاندن  .
هه‌روه‌سا گوت: بو قوناغێن ل دوڤدا ژماره‌كا دى یا پرۆژێن فه‌ر وگرێداى ب ژیانا رۆژانه‌ یا خه‌لكێ ده‌ڤه‌رێ ڤه‌ دێ هێنه‌ ده‌ست نیشانكرن پاش دێ هێنه‌ بجهئینان وته‌كه‌زكر كو هه‌موو پرۆژه‌ ب یه‌كسانى دێ ل سه‌ر هه‌موو باژێر وباژێر وگوندا هێنه‌ ئه‌نجامدان .
پاش ده‌ڤه‌ردارێ به‌رده‌ره‌ش راپورته‌ك ل دور پرۆژێن فه‌ر وپێدڤى به‌رچاڤكر بو وێ یه‌كێ ل قوناغێن بهێت بكه‌ڤنه‌ دوارێ بجهئینانێ دا .
 دهێته‌ چاڤه‌رێكرن ل قوناغێن جودا جودا پتر  ژ(86) پرۆژێن خزمه‌تگوزارى دبیاڤێن دیاركریدا ل سنورێ قه‌زا به‌رده‌ره‌ش بهێنه‌ ئه‌نجامدان