لە سنە ئیتلاعاتی ئێران چوار ئەندامی کەمپەینێکی خێرخوازی ده‌ستگیر ده‌كات

لە شاری سنە لە رۆژهەڵاتی کوردستان چوار ئەندامی کەمپەینێکی خێرخوازی دەستبەسەرکران.

بە دەستبەسەرکرانی چالاکێکی دیکە لە شاری سنە، ژمارەی دەستبەسەرکراوانی ئەمڕۆی شاری شاری سنە گەیشتە چوار کەس و ئەگەری زیاتربوونی ژمارەی دەستبەسەر کراوەکان لە ئارادا هەیە.

بەپێی راپۆرتێکی ڕێکخراوی مافی مرۆڤی هەنگاو، ئەمڕۆ شەممە 24ی4ی2021، هێزەکانی ئیدارەی ئیتلاعاتی شاری سنە هێرشیان بردووەتە ماڵی مەهدی سەیفی چالاکی مەدەنی و ئەندامی چالاکی کەمپەینی "ژیانەوەی کوردستان" و ناوبراویان دەستبەسەرکردووە .

سەرچاوەکانی هەنگاو ڕایانگەیاندووە، هیزەکانی ئیدارەی ئیتلاعات لە کاتی دەستبەسەر کرانی ئەم هاووڵاتیانە هەڵیانکووتاوە سەر ماڵیان و دەستیان بەسەر کەل و پەلی کەسی و تایبەتی ئەو کەسانەدا گرتووە.

هەنگاو پێشتر دەستبەسەرکرانی سێ ئەندامی دیکەی ئەم کەمپەینە بە ناوەکانی "عەتااللە ڕەزاڕبابی تەمەن ٦٣ ساڵ، مەرزیە غوڵام وەیسی و کوڕەکەی بە ناوی سیروان عەبدوڵڵاهی ڕاگەیاندبوو.