ئه‌مساڵ چه‌ند پێشانگه‌یه‌كی نێوده‌وڵه‌تی له‌ هه‌ولێر ده‌كرێته‌وه‌

بریاره‌ ئه‌مساڵ چه‌ند پێشانگه‌یه‌كی نێوده‌وڵه‌تی له‌ هه‌ولێر بكرێنه‌وه‌، سه‌رپه‌رشتیاری پێشانگای نێوده‌وڵه‌تی هه‌ولێریش رایگه‌یاند: هه‌ندێك له‌م پێشانگه‌یانه‌ تایبه‌تن و بۆ یه‌كه‌م جاره‌ له‌سه‌ر ئاستی هه‌رێمی كوردستان و عێراق ده‌كرێنه‌وه‌.

له‌م باره‌یه‌وه‌ سۆران قادر سه‌رپه‌رشتیاری پێشانگای نێوده‌وڵه‌تی هه‌ولێر له‌ كاتی به‌شداربوونی له‌ بڵاوكراوه‌یه‌كی هه‌واڵه‌ ئابوورییه‌كانی كوردستان تیڤی رایگه‌یاند: له‌ مانگی نۆی ئه‌مساڵه‌وه‌ ده‌ست به‌ كردنه‌وه‌ی پێشانگه‌ی تر ده‌كه‌ین، هه‌ندێك له‌م پێشانگه‌یانه‌ تایبه‌تن و بۆ یه‌كه‌م جاره‌ له‌سه‌ر ئاستی هه‌رێمی كوردستان و عێراق ده‌كرێنه‌وه‌.

سۆران قادر ئاماژه‌ی به‌وه‌شكرد زۆربه‌ی كۆمپانیا به‌ناوبانگه‌كانیش بانگهێشت ده‌كرێن ئه‌و كۆمپانیانه‌ش ئاماده‌یی خۆیان ده‌ربڕییه‌وه‌، گوتیشی كۆمپانیا ناوخۆییه‌كانیش به‌شدار ده‌بن.