بەهۆی غازی مۆلیدەوە 2 کرێکار گیانیان لەدەستدا

له‌راگه‌یاندراوی پۆلیس

ڕائیدی مافپەروەر عه‌لی جەمال قدووری به‌ڕێوه‌به‌ری ڕاگەیاندنی پۆلیسی گەرمیان ڕایده‌گه‌ێنێت ،بەیانی ئەمڕۆ دووشەمە  11 ى 2 ى 2019 ،  ئاگادارکراینەوە لەحاڵەتی مردنی دوو کرێکار لە گوندی لانستی کەپرۆژەیەکی نوێیە لەقەزای کەلار  پشت زانکۆی گەرمیان


 به‌ڕێوه‌به‌ری راگه‌یاندنى پۆلیسى گه‌رمیان ڕاشیده‌گه‌ێنێت ،  دوای گەشتنی مەفرەزەکانی 104ی کەلارو پۆلیسی نەهێشتنی تاوان بەپێی لێکۆڵینەوەسەرەتاییەکان گومان دەکرێت مۆلیدە لەژوورەکەیان کاریکردبێت و بەهۆی غازی مۆلیدەوە گیانیان لەدەست دابێت

 ڕائیدی مافپەروەر عه‌لی جەمال قدووری  راشیده‌گه‌ێنێت ، ئەو 2 کرێکارەی گیانیان لەدەستداوە ئاوارەی (سوریا )ن/ بەمەبەستی کارکردن ڕویان لەسنووری گەرمیان کردووە 


راشیده‌گه‌ێنێت ، لەئێستادا بەمەبەستی بشکنین تەرمەکانیان ڕەوانەی پزیشکی دادوەری سلێمانی کراوەو پۆلیس دەستی بەلێکۆڵینەوە کردوە لەسەرهۆکاری گیان لەدەستدانیان

1


شوان عه‌زیز