جه‌بار یاوه‌ر : هێڵی پێشه‌وه‌ی هێزه‌كانی پێشمه‌رگه‌ و سوپای عێراق دیاری ده‌كرێت

ئه‌و ناوچانه‌ی هه‌ڕه‌شه‌ی داعشیان له‌سه‌ره‌ هێزیان تێدا زیاد ده‌كه‌ین

ئه‌مینداری گشتی وه‌زاره‌تی پێشمه‌رگه‌ رایده‌گه‌ێنێ ، له‌سه‌ر بنه‌مای روپێوی، هێڵی پێشه‌وه‌ی هێزه‌كانی پێشمه‌رگه‌ و سوپای عێراق دیاری ده‌كرێت.

فه‌ریق جه‌بار یاوه‌ر، ئه‌مینداری گشتی وه‌زاره‌تی پێشمه‌رگه‌ی حكومه‌تی هه‌رێمی كوردستان، ئامانجی پێكهێنانی لیژنه‌ی هاوبه‌شی له‌لایه‌ن وه‌زاره‌تی به‌رگری و وه‌زاره‌تی پێشمه‌رگه‌ بۆ روپێوكردنی ناوچه‌ كێشه‌ له‌سه‌ره‌كان بۆ ده‌نگی ئه‌مه‌ریكا ئاشكراكردو گوتی: له‌سه‌ر بنه‌مای ئه‌و روپێویه‌، هێڵی پێشه‌وه‌ی هێزه‌كانی پێشمه‌رگه‌ و سوپای عێراق دیاری ده‌كرێت.

گوتیشی: ئه‌و ناوچانه‌ی هێزیان زۆر تێدایه‌ جا پێشمه‌رگه‌ بێت یان سوپا ده‌یانكێشینه‌وه‌، ئه‌و ناوچانه‌ش هه‌ڕه‌شه‌ی داعشیان له‌سه‌ره‌، هێزیان تێدا زیاد ده‌كه‌ین.