دووەمین خولی پەرەپێدانی گەیاندن سه‌ر به‌وه‌زاره‌تى پێشمه‌رگه‌ كۆتایی هات

لە فێرگەی مەشقی بنەسڵاوە لە شاری هەولێر


رۆژی15/4/2019 لە فێرگەی مەشقی  بنەسڵاوە لە شاری هەولێر كۆتایی بە خولی پەرەپێدانی  ئەفسەر و كارمەندانی گەیاندنی سەر بە وەزارەتی پێشمەرگە كۆتایی هات كە ماوەی دوو هەفتە بەردەوام بوو.

رائید فاتح ناسح فەرماندەی خولەكە سەبارەت بە چۆنیەتی بەڕێوەچوونی ئەو خولە بە سەنتەری میدیای راگەیاند: خولەكە  لە 1/4/2019 -15-4-2019 بەڕێوەچوو كە  بیست و شەش  پێشمەرگە و ئەفسەر بەشداریان تێداكرد، ئامانج لێی پەرە پێدانی كارمەندانی بەڕێوەبەرایەتی گەیاندنی سەر بە وەزارەتی پێشمەرگەیە بۆ ئاشنابوون و راهێنان لەسەر هەموو ئەو ئامێرانەی پەیوەندیان بە گەیاندنەوە هەیە.

وتیشی: لەو خولە  كە لەلایەن مامۆستایانی ناوخۆوە بەڕێوەچوو چەندین  وانەی سەردەمیانە پێشكەشكرا و  بەشداربوانیش سوودی زۆریان لێ وەرگرتوە. 
لە کۆتایدا بڕوانامەی  خولەكە بەسەر بەشداربوان دابەش کرا و، بڕیاریشە لە داهاتوو خولی لەو جۆرە بەردەوام بێت.

دانانى هه‌واڵ - شوان عه‌زیز