چواره‌مین فێستیڤاڵی نێوده‌وڵه‌تی هه‌ولێر بۆ شانۆی "مۆنۆ دڕاما" سازده‌كرێت

ڕۆژی یه‌كشه‌ممه‌ ۲۱ـی ٤ـی ۲۰۱۹ له‌ هۆڵی ڕۆشنبیری

وه‌زاره‌تی ڕۆشنبیری و لاوان ،به‌ڕێوه‌به‌رایه‌تی گشتی ڕۆشنبیری و هونه‌ری هه‌ولێر ،به‌ڕێوه‌به‌رایه‌تی هونه‌ری شانۆی هه‌ولێر به‌هاوكاری لقی هه‌ولێری سه‌ندیكای هونه‌رمه‌ندانی كوردستان ، چواره‌مین فێستیڤاڵی نێوده‌وڵه‌تی هه‌ولێر بۆ شانۆ مۆنۆدڕاما سازده‌كات.

له‌ چواره‌مین فێستیڤاڵی نێوده‌وڵه‌تیی هه‌ولێر بۆ شانۆی مۆنۆدڕاما، چه‌ندین تیپی شانۆیی له‌ كوردستان و عێراق ده‌روه‌ی عێراق به‌شدارده‌بن وه‌كو: (میسر ، لوبنان ، مه‌غریب ، ورمێ ، به‌غداد ، بابل ، مه‌هاباد ، سلێمانی ، دهۆك ، هه‌ولێر )  

ڕۆژانه‌ دوونمایش هه‌یه‌ له‌دوو كاتی جیاواز به‌یانیان كات ۱۱ی به‌یانی ، له‌گه‌ڵ كات ۷ی شه‌و ، هه‌موو نمایشه‌كان له‌هۆڵی به‌ڕێوه‌به‌رایه‌تی هونه‌ری شانۆی هه‌ولێر ده‌بێت و دوای هه‌ر نمایشێك گفتوگۆی ڕه‌خنه‌یی به‌ڕێوه‌ده‌چێت به‌ئاماده‌بوونی ستافی نمایشی مۆنۆدڕاماكان .

 شایانی باسه‌ مه‌ڕاسیمی كردنه‌وه‌ی فێستیڤاڵ ڕۆژی یه‌كشه‌ممه‌ ۲۱ـی ٤ـی ۲۰۱۹ له‌ هۆڵی ڕۆشنبیری _ ڕێگای كه‌ركووك ،كات ۳۰: ۱۰ـی به‌یانی

داڕشتنه‌وه‌ی : كامران