له‌ چه‌لێ 10 سه‌ربازی سوپای توركیا كوژران و برینداربوون

شه‌وی رابردوو

شه‌وی رابردوو چه‌كدارانی په‌كه‌كه‌ له‌گردی كوردینه‌ی ناوچه‌ی چه‌لێ-ی جوله‌مێرگ هێرشیان كرده‌ سه‌ر سوپای توركیا و له‌ئاكامی هێرشه‌كه‌شدا 10سه‌رباز كوژران و برینداربوون.

له‌ راگه‌یه‌ندراوێكدا كه‌ له‌لایه‌ن سه‌رۆكایه‌تی فه‌رمانگه‌ی په‌یوه‌ندییه‌ جه‌ماوه‌رییه‌كان له‌ وه‌زاره‌تی به‌رگری توركیا بڵاوكراوه‌ته‌وه‌، ئاماژه‌ به‌وه‌كراوه‌ له‌ چوارچێوه‌ی ئۆپه‌راسیۆنه‌كان كه‌ له‌سه‌ر هێلی سنووریی نێوان توركیا- عێراق درێژه‌یان هه‌یه‌، دوێنێ پێكدادان هاتووه‌ته‌ ئاراوه‌. 

باس له‌وه‌شكراوه‌ له‌ ئه‌نجامی پێكدادانه‌كه‌دا چوار سه‌رباز گیانیان له‌ده‌ستداوه‌ و شه‌شی دیكه‌یان برینداربوون و دووان له‌و چوار سه‌ربازه‌ی كه‌ گیانیان له‌ده‌ستداوه‌ به‌ برینداری گه‌یه‌ندراونه‌ته‌ نه‌خۆشخانه‌ به‌ڵام نه‌توانراوه‌ گیانیان رزگاربكرێت.

داڕشتنه‌وه‌ی هه‌واڵ / رزگار

سه‌رچاوه‌ / ئه‌نادۆڵۆ