پۆلیسی دهۆك: تەرمی کچە ونبووەکە دۆزرایەوە

ماوه‌ی سێ رۆژه‌ له‌ماڵ چووبووه‌ ده‌ره‌وه‌


پۆلیسی دهۆك رایگەیاند، ئه‌مڕۆ ته‌رمی دلین وه‌لیدی 10 ساڵان له‌ چه‌مێكی نزیك یاریگای دهۆك دۆزراوه‌ته‌وه‌.

موقه‌دم هێمن سلێمان به‌رپرسی راگه‌یاندی پۆلیسی دهۆك راگه‌یاند: دوای سێ رۆژ له‌ بێسه‌روشوێن بوونی، ئەمڕۆ شەممە تەرمی دلین وه‌لیدی تەمەن (10) ساڵ دۆزرایەوە.

گوتیشی : له‌ چه‌می خواره‌وەی یاریگای یانه‌ی دهۆك به‌ كوژراوی دۆزراوه‌ته‌وه‌، کە به‌ شێوازێكی دڕندانه‌ كوژراوه‌ ته‌رمه‌كه‌ی شێوه‌ندراوه‌.

ئاماژەی بەوەشكردووە، ئه‌و كچه‌ منداڵه‌ ماوه‌ی سێ رۆژه‌ له‌ماڵ چووبووه‌ ده‌ره‌وه‌و هیچ هه‌واڵێكی نه‌بووبوو.

رونیشكرده‌وه‌: ته‌رمه‌كه‌ی ڕه‌وانه‌ی نه‌خۆشخانه‌ كراوه‌ به‌مه‌به‌ستی شیكاری و هۆكاری گیانله‌ده‌ستدانه‌كه‌ی.

پ: سامان زاهیر