جگه‌ره‌ی ئه‌لیكترۆنی زیانی گه‌وره‌ به‌ مێشك ده‌گه‌یه‌نێت

شله‌كه‌ ده‌گۆڕێت بۆ هه‌ڵمی نیكۆتین

تۆژینه‌وه‌یه‌ك كه‌ له‌لایه‌ن تۆژه‌ران له‌ زانكۆی كالیفۆڕنیای ئه‌مریكا ئه‌نجام درا، ئاشكرای كرد، جگه‌ره‌ی ئه‌لیكترۆنی زیانی گه‌وره‌ به‌ مێشك، ده‌گه‌یه‌نێت و ئاماژه‌ی پێدا، ره‌نگه‌ زیان به‌ ته‌نه‌ خانه‌كان بگه‌یه‌نێت و له‌ناویان ببات و ببێته‌ هۆی مردن.

جگه‌ره‌ ئه‌لیكترۆنییه‌كان له‌ڕێگه‌ی گه‌رمكه‌رێك بۆ گه‌رمكردنی شله‌یه‌ك كه‌ نیكۆتینی تێدایه‌ كارده‌كات و شله‌كه‌ ده‌گۆڕێت بۆ هه‌ڵمی نیكۆتین كه‌ جگه‌ره‌كێشه‌كان هه‌ڵیده‌مژن.

تیمی تۆژینه‌وه‌كه‌ ته‌نه‌ خانه‌ ده‌مارییه‌كانی چێندراو له‌ مشكیان به‌كارهێنا بۆ دیاریكردنی هۆكاری ئه‌و زیانانه‌ی تووشی ئه‌و خانانه‌ ده‌بن به‌هۆی كێشانی جگه‌ره‌ ئه‌لیكترۆنییه‌كان و، روونیان كرده‌وه‌ كه‌ ئه‌و خانانه‌ به‌هۆی ماندووبوون دووچاری له‌ناوچوونی چڕی "میتۆكۆندریا" ده‌بن.

 سه‌رچاوه‌/ Kurdistan CT

كوردستان تیڤی/كامران