سەرۆکی ھەرێمی کوردستان په‌یامێكی پیرۆزبایی ئاراسته‌ی قوباد تاڵه‌بانی كرد

بەبۆنەی متمانەوەرگرتنی وەک جێگری سەرۆک وەزیران


بەڕێز نێچیرڤان بارزانی سەرۆکی ھەرێمی کوردستان لە پەیامێکدا پیرۆزبایی لە بەڕێز قوباد تاڵەبانی جێگری سەرۆک وەزیرانی ھەرێمی کوردستان کرد بۆ بەدەستھێنانی متمانەی پەرلەمانی کوردستان، ئەمە دەقی پەیامەکەیە:

بەڕێز قوباد تاڵەبانی، جێگری سەرۆک وەزیرانی ھەرێمی کوردستان سڵاو و ڕێز.. بەبۆنەی متمانەوەرگرتنی بەڕێزتان وەک جێگری سەرۆک وەزیرانی کابینەی نۆیەمی حکوومەتی ھەرێمی کوردستان لەلایەن پەرلەمانی کوردستانەوە، بەگەرمی پیرۆزباییتان لێدەکەم.

ھیوای سەرکەوتن بۆ ئێوە و کابینەی نۆیەمی حکوومەتی ھەرێمی کوردستان دەخوازم.خۆشحاڵ بووم کە ماوەی چەند ساڵی ڕابردوو لە حکوومەتی ھەرێمی کوردستان پێکەوە کارمان کرد. دڵنیام وەک ھەمیشە دڵسۆزانە و بە ھەستی بەرپرسیاریەتییەوە، خزمەتی کوردستان دەکەن و ئەرک و کارەکانتان جێبەجێ دەکەن. وەک سەرۆکی ھەرێمی کوردستان، بەردەوام دەبم لە پشتیوانی و ھاوکاریکردنتان بۆ سەرکەوتنی کارەکانتان لە کابینەی نوێدا.

نێچیرڤان بارزانی
سەرۆکی ھەرێمی کوردستان  
2019/7/10