سه‌رۆكی هه‌رێمی كوردستان ته‌قینه‌وه‌ تیرۆرستییه‌كانی كوردستانی سووریا سه‌رکۆنه‌ ده‌كات

پرسه‌ و سه‌ره‌خۆشی له‌ خانه‌واده‌ و كه‌سوكاری قوربانیان ده‌كه‌ین هاوسۆز و هاوخه‌میانین

نێچیرڤان بارزانی سه‌رۆكی هه‌رێمی كوردستان له‌ په‌یامێكدا ته‌قینه‌وه‌كانی دوێنی كوردستانی سووریا ئیدانه‌ كرد، ئه‌مه‌ ده‌قه‌كه‌یه‌تی...

به‌ توندی سه‌ركۆنه‌ی ئه‌و كرده‌وه‌ تیرۆرستیانه‌ ده‌كه‌ین كه‌ ئه‌مڕۆ هه‌رسێ شاری قامیشلۆ و عه‌فرین و حه‌سه‌كه‌ی له‌ كوردستانی سووریای كرده‌ ئامانج و له‌ ئه‌نجامدا زیاتر له‌ 15 كه‌س گیانیان له‌ده‌ست دا و نزیکه‌ی 70 که‌سیش بریندار بوون. 

پرسه‌ و سه‌ره‌خۆشی له‌ خانه‌واده‌ و كه‌سوكاری قوربانیان ده‌كه‌ین هاوسۆز و هاوخه‌میانین، هیوای زوو چاكبوونه‌وه‌ بۆ برینداران ده‌خوازین. 

ئه‌و كرده‌وه‌ تیرۆرستیانه‌ ئه‌و ڕاستیه‌ ده‌سه‌لمێنن كه‌ تیرۆر هێشتا مه‌ترسییه‌كی ڕاسته‌قینه‌یه‌ و هه‌ڕه‌شه‌ له‌ ئارامی و سه‌قامگیریی ناوچه‌كه‌ و جیهان ده‌كات، ڕووبه‌ڕووبوونه‌وه‌ی ئه‌و مه‌ترسییه‌ش پێویستی به‌ هه‌ماهه‌نگی و كاری هه‌مه‌لایه‌نه‌ی ناوچه‌یی و نێوده‌وڵه‌تی هه‌یه‌. 

نێچیرڤان بارزانی سه‌رۆكی هه‌رێمی كوردستان