ئێران کەشتییەکی نەوتهەڵگری بیانی لە کەنداو دەستبەسەر دەکات

لە لایەن ستافێکی (12) کەسییەوە بەڕێوەبراوە


سوپای پاسداران دەستی بەسەر کەشتیەکی نەوت هەڵگری  بیانیدا له‌ كه‌نداو گرتووه‌.

ئەمڕۆ پێنجشەممە18ی تەمموزی 2019 سوپای پاسدارانی ئێران لە بەیاننامەیەکدا رایگەیاندووە، دوای چاودێریی ورد و لێکۆڵینەوە کەشتییەکی نەوتهەڵگریان راگرتووە کە نەوتی بە قاچاخ لە بەندەرێکی ئێرانەوە گواستوەتەوە.

ئاماژه‌ به‌وه‌شكاروه‌ دوای چاودێریی ورد و لێکۆڵینەوە کەشتییەکی نەوتهەڵگریان راگرتوە کە نەوتی بە قاچاخ لە بەندەرێکی ئێرانەوە گواستوەتەوە و لە لایەن ستافێکی (12) کەسییەوە بەڕێوەبراوە.

روونی کردوەتەوە؛ کەشتییەکە توانای گواستنەوەی دوو ملیۆن لیتر نەوتی هەیە و نەوتی بەشێوەی قاچاخی رێکخراو لە کەشتییە بچوکە ئێرانییەکانەوە بۆ وڵاتانی بیانی گواستوەتەوە و توانیویانە لە باشوری دورگەی لارک لە ئێران ئەو کەشتییە رابگرن و دواتر (12) ئەندامی ستافی ئەو کەشتییە بە بڕیار دادگا دەستبەسەر کراون.

دەستبەسەرداگرتنی كەشتیەكە دوای ئەوەدێت دوو هەفتە لەمەوبەر بەریتانیا دەستبەسەرداگرتنی كەشتیەكی نەوتهەڵگری ئێرانی ڕاگەیاند و ئەمەش بووەتە هۆی گرژی و ئاڵۆزیی پەیوەندییەكانی ئێران و بەریتانیا.