Erbil 15°C پێنجشەممە 28 ئازار 12:25

ئه‌فغانستان.. ته‌قینه‌وه‌یه‌ک له‌به‌رده‌م زانکۆی کابول لانیکه‌م 41 کوژراو و برینداری لێکه‌وته‌وه‌

بڕیار بوو ئه‌مڕۆ هه‌ینی تاقیكردنه‌وه‌ی پزیشكی و دادوه‌ری بۆ قوتابیانی‌ زانكۆكه‌ به‌ڕێوه‌بچێت
ئه‌فغانستان.. ته‌قینه‌وه‌یه‌ك له‌به‌رده‌م زانكۆی كابول لانیكه‌م 41 كوژراو و برینداری لێكه‌وته‌وه‌
کوردستان TV
100%

له‌ ئه‌نجامی ته‌قینه‌وه‌یه‌ك له‌ به‌رده‌م زانكۆی كابول، لانیكه‌م 41 كه‌س كوژران و برینداربوون. 

وه‌حیدوڵڵا مایار گوته‌بێژی وه‌زاره‌تی ته‌ندروستی ئه‌فغانستان له‌ تویتێكدا ژماره‌ی قوربانییه‌كانی به‌ 8 كوژراو و 33 بریندار بڵاوكرده‌وه‌ كه‌ تا ئێستا گه‌یه‌ندراونه‌ته‌ نه‌خۆشخانه‌. 

لای خۆشیه‌وه‌ وه‌زاره‌تی ناوخۆی ئه‌فغانستان ئاشكرای كرد: بڕیار بوو ئه‌مڕۆ هه‌ینی له‌ زانكۆ كابول، تاقیكردنه‌وه‌ی پزیشكی و دادوه‌ری بۆ قوتابیانی‌ زانكۆكه‌ به‌ڕێوه‌بچێت، به‌ڵام تێكده‌ران به‌ كه‌ڵك وه‌رگرتن له‌ بۆشایی ئه‌منی ،‌ ئۆتۆمبێلێكیان به‌ مینی لكێندراو ره‌وانه‌ كردووه‌ و له‌به‌ر ده‌رگای زانكۆ ته‌قاندوویانه‌ته‌وه‌‌ كه‌ به‌ هۆیه‌وه‌ 41 كه‌س كوژران و برینداربوون. 

تا ئێستاش هیچ كه‌س یان هیچ گروپ و لایه‌نێك به‌رپرسیاریه‌تی ئه‌م ته‌قینه‌وه‌ی نه‌گرتۆته‌ ئه‌ستۆ. 

جیهان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.