هاتووچۆی هەرێم بڕیارێكى ده‌ركرد

هاوڵاتیان ئاگادار ده‌كرێنه‌وه‌

له‌ئاگادارییه‌كدا كه‌وێنه‌یه‌ك ده‌ست ماڵپه‌ری كوردستان تیڤى كه‌وتووه‌ ، بەڕێوەبەرایەتی گشتی هاتووچۆی هەرێم هاووڵاتیان ئاگادار دەکاتەوە، بەهۆی نووسینێکی ناو گرێبەستی کڕینی ئۆتۆمبێل، هاووڵاتیان سزا دراون.

 به‌رێوه‌به‌رایه‌تیه‌كه‌ رایده‌گه‌ێنێت ، لەکاتی فرۆشتنی ئۆتۆمبێل و دروستکردنی گرێبەست بۆ کڕیارانیان لە بری ئەو دەستەواژەیەی نووسراوە (تەنها بۆماوەی 60  رۆژ کار بەم گرێبەستە دەکرێت) بنووسن ئەبێت لە دوای واژۆکردنی ئەم گرێبەستە سەردانی بەڕێوەبەرایەتی هاتووچۆ بکرێت بەمەبەستی تۆمارکردن.

 ده‌شڵێت ، ئەگەر لە ماوەی 60 رۆژ ساڵانە و تابلۆ وەرنەگیرێت بە بڕی  یەک ملیۆن دینار سزا دەدرێت.

دارشتنه‌وه‌ى هه‌واڵ - شوان عه‌زیز