هاورده‌ كردنی مریشك قه‌ده‌غه‌كرا

به‌مه‌به‌ستی پاڵپشتی كردنی كێڵگه‌ په‌له‌وه‌رییه‌كان و دابینكردنی پێداویستی ناوخۆ

به‌مه‌به‌ستی پاڵپشتی كردنی كێڵگه‌ په‌له‌وه‌رییه‌كان و دابینكردنی پێداویستی ناوخۆ، له‌ سلێمانی هاورده‌كردنی مریشك قه‌ده‌غه‌ده‌كرێت.

له‌راگه‌یاندراوێكدا قایمقامیه‌تى قه‌زای ناوه‌ندی سلێمانى رایده‌گه‌ێنێت ، له‌دیوانى قایمقامیه‌ت كۆبوونه‌وه‌ له‌گه‌ڵ نوێنه‌ری به‌ڕێوه‌به‌رایه‌تییه‌كانی ئاسایشی ئابووری، كشتوكاڵ، كوالێتی كۆنترۆڵ، چاودێری بازرگانی و عه‌لوه‌ی سلێمانی به‌رێوه‌چوو 

دوای كۆبونه‌وه‌كه رزگار حه‌مد، جێگری به‌ڕێوه‌به‌ری كشتوكاڵی سلێمانی رایگه‌یاند؛ به‌هۆی زیادبوون پڕكردنه‌وه‌ی بازاڕه‌كان به‌به‌رهه‌می ناوخۆی مریشك، ‌لیژنه‌ی دیاریكردنی به‌روبومی ئاژه‌ڵی و په‌له‌وه‌ر بڕیاریداوه‌ به‌ قه‌ده‌غه‌كردنی هاورده‌كردنی مریشك بۆ شاری سلێمانی.


وتیشی؛‌ بڕیاره‌كه‌ له‌سه‌ر بنه‌مای پاڵپشتی كردنی به‌رهه‌می ناوخۆ و ساغكردنه‌وه‌ی مریشكی كێڵگه په‌له‌وه‌رییه‌كانی شاری سلێمانی دراوه‌.


 ده‌شڵێت بۆ پاڵپشتی به‌رهه‌می ناوخۆ له‌لایه‌ك و خۆپاراستن له‌ هه‌ندێك نه‌خۆشی په‌له‌وه‌ری وڵاتان له‌لایه‌كی تره‌وه‌، پێشتر بڕیار درابوو رێگری له‌ هاورده‌ كردنی مرریشكی زیندوو بكرێت.


شوان عه‌زیز