سه‌رۆكی گه‌وره‌ترین باندی مافیایی له‌ عێراق ده‌ستگیركرا

لەگەڵ 25 ئەندامی دیكەی باندەکەی

سه‌رۆكی باندێكی گه‌وره‌ی تاوانكاری كه‌ به‌ گه‌وره‌ترین باندی تاوانكاری له‌ عێراق هه‌ژمار ده‌كرێت ده‌ستگیركرا. 

لە راگەیەنراوێکی بەڕێوەبەرایەتی ئەمنی حەشدی شەعبیدا هاتووە، سەرۆکی گەورەترین باندی تاوانکاری لە عێراق و 25 ئەندامی باندەکەی، کە سەربە حەشدی شەعبی بوون دەستگیرکراون. 

هه‌ر له‌ راگه‌یه‌ندراوه‌كه‌دا هاتووه‌، سه‌رۆك بانده‌كه‌ بەناوی حاجی حەمزە شەمەری و 25 ئه‌ندامی دیكه‌ی بانده‌كه‌ی كه‌ سه‌ر به‌ هێزه‌كانی حه‌شدی شه‌عبی بوونه‌ ده‌ستگیر كراون. 

شەمەری سەرۆکی گەورەترین گروپی مافیایی بوو، کە کارییان کوشتن، هەڵکوتانەسەر ماڵ و دووکانی هاووڵاتیان، بازرگانی ماددە هۆشبەرەکان، کڕین و فرۆشتن بە ئافرەتان و خاوەنی چەندین قومارخانه‌ و شوێنی لەشفرۆشی بووە. 

شه‌مه‌ری چه‌ندین جار پاڵپشتیی حه‌شدی شه‌عبی كردووه‌ و له‌لایه‌ن ئه‌و هێزانه‌وه‌ سوپاسنامه‌ی ئاراسته‌ كراوه‌.