سەرۆك بارزانی پێشوازی له‌ وه‌زیری به‌رگریی عێراق دەكات

بیروڕایان له‌باره‌ی بارودۆخی سیاسیی عێراق و په‌یوه‌ندییه‌كانی نێوان هه‌ولێر و به‌غدا ئاڵوگۆڕ كرد

سه‌رۆك بارزانى پێشوازى وه‌زیری به‌رگریی عێراق كرد، بیروڕایان له‌باره‌ی بارودۆخی سیاسیی عێراق و په‌یوه‌ندییه‌كانی نێوان هه‌ولێر و به‌غدا ئاڵوگۆڕ كرد.

ئه‌مڕۆ دووشه‌ممه‌ 12/8/2019،له‌ سه‌لاحه‌ددین، سه‌رۆك مه‌سعود بارزانی پێشوازی له‌ نه‌جاح حه‌سه‌ن ئه‌لشه‌مه‌ری، وه‌زیری به‌رگریی عێراق كرد.

له‌ دیداره‌كه‌دا بیروڕا له‌باره‌ی بارودۆخی سیاسیی عێراق و په‌یوه‌ندییه‌كانی نێوان هه‌ولێر و به‌غدا ئاڵوگۆڕ كرا، هەروەها شەڕی داعش و پێشهات و گۆڕانكارییه‌كانی ناوچه‌كه‌یش ته‌وه‌رێكی دیكه‌ی دیداره‌كه‌ بوو.