به‌ڤیدیۆ .. نەشتەرگەریه‌كی سەركەوتوو بۆ جیاكردنەوەی 2 منداڵی بەیەكەوە لكاو ئه‌نجامدرا

2 كچی منداڵی دووانە بەناوه‌كانی سەفا و مەڕوا


لەزنجیرەیەك نەشتەرگەری سەركەوتوودا لەنەخۆشخانەی گرەیت ئارمۆند لەشاری لەندەن دوو كچی منداڵی دووانەی پاكستانی بەناوی سەفا و مەڕوا لەیەكتر جیاكرانەوە كە كەللەی سەریان و خوێنبەرەكانی ناو سەریان پێكەوە لكاوبوو.

پرۆسەی جیاكردنەوەی ئەو دوو كچە سێ نەشتەرگەری سەرەكی لەخۆگرتبوو و زیاتر لە 100 پزیشك و پەرستار بەشداربوون و ماوەی 55 كاتژمێری خایاندووە لەناو هۆڵی نەشتەرگەری بەدرێژایی چوار مانگ و سەرەنجام تونرا لەیەكتر جیابكرێنەوە.

پزیشكان توانیان دەمارەكانی مێشكی ئەو دوو كچە بەیەكەوەلكاوە جیابكەنەوە لەزنجیرەیەك نەشتەرگەریدا و دواتر كەللەی سەریان جیابكەنەوە.

ئەو دوو كچە لەمانگی شوباتی رابردووەوە خراونەتە ژێر نەشتەرگەری و لەئێستادا لەقۆناغی چارەسەركردندان و بریارە ساڵی داهاتوو بگەرێنەوە بۆ وڵاتەكەیان.

سه‌رچاوه‌ - تەندروستی سلێمانی
دارشتنه‌وه‌ى هه‌واڵ - شوان عه‌زیز