لە چەند پارێزگایەکی عێراق پشوو راگەیەندرا

بەهۆی جەژنی غەدیری شیعەکان


حکومەتە خۆجێییەکانی پارێزگاکانی باشوری عێراق رایانگەیاندووە کە رۆژی سێشەممە 20ی ئابی 2019 لە پارێزگاکانیان پشوو دەبێت.

باس لەوەشکراوە کە پشووەکە بەهۆی جەژنی غەدیری شیعەکانەوەیە و لە پارێزگاکانی زی قار، واست، دیوانیە، بەسرە، بابل و میسان پشوو دەبێت.

لای پەیڕەوانی مەزهەبی شیعە جەژنی غەدیر یادکردنەوەی ئەو رۆژەیە کە پێغەمبەری ئیسلام لە ناوچەی (غەدیر خەم) لە نزیک مەککە لە حەجی ماڵئاواییدا وتارێکی پێشکەشکردووە و رایگەیاندووە کە عەلی کوڕی ئەبی تاڵیب لەدووای خۆی دەبێتە جێنشینی.

ساڵانە پەیڕەوانی مەزهەبی شیعە لەو رۆژەدا ئاهەنگ دەگێڕن و سەردانی گۆڕی ئیمامی عەلی لە نەجەف دەکەن.