داعش له‌ سنووری شارۆچكه‌ی داقوق هێرشی كرده‌ سه‌ر چه‌كدارانی حه‌شدی شه‌عبی

ژماره‌یه‌ك هاووڵاتی سڤیل بوونه‌ قوربانی

شه‌وی ڕابردوو چه‌كدارانی داعش له‌ سنووری شارۆچكه‌ی داقوق له‌ باشووری كه‌ركووك هێرشیان كرده‌ سه‌ر باره‌گایه‌كی میلیشیاكانی حه‌شدی شه‌عبی و دواتریش له‌ ناوچه‌ی ئیمام زه‌ینه‌لعابدین ته‌قه‌یه‌كی زۆریان كردووه‌ و به‌هۆیه‌وه‌ 6 كه‌س كوژران و نزیكه‌ی 10 كه‌سی دیكه‌ش برینداربوون. 

سه‌رچاوه‌یه‌ك له‌ شارۆچكه‌ی داقوق به‌ كوردستان تیڤی ڕاگه‌یاند: شه‌وی ڕابردوو تیرۆرستانی داعش هێرشیان كرده‌ سه‌ر چه‌كدارانی حه‌شدی شه‌عبی و ژماره‌یه‌ك گوللـه‌ هاوه‌نیان ئاڕاسته‌ی باره‌گای حه‌شدی شه‌عبی كرد. 

ئه‌و سه‌رچاوه‌یه‌ ڕاشیگه‌یاند كه‌ چه‌كدارانی داعش دوای هێرشه‌كه‌ له‌ نزیك مه‌زارگه‌ی ئیمام زه‌ینه‌لعابدین ته‌قه‌یه‌كی زۆریان كرد و به‌هۆیه‌وه‌ 6 كه‌س كوژران و نزیكه‌ی 10 كه‌سی دیكه‌ش برینداربوون، سه‌رچاوه‌كه‌ ئاماژه‌ی بۆ ئه‌وه‌شكرد كه‌ زۆربه‌ی برینداره‌كان هاووڵاتی سڤیلن.