له‌ ساڵیادی‌ 11ی‌ سێپته‌مبه‌ردا، تره‌مپ بڕیاری‌ دا بودجه‌ی‌ سه‌ربازی‌ زیاد بكات

تره‌مپ: به‌توندی‌ وه‌ڵامی‌ هه‌ر هێرشێك ده‌ده‌ینه‌وه‌ كه‌ بكرێته‌ سه‌ر ئه‌مریكا


له‌ ساڵیادی‌ هێرشه‌كانی‌ 11ی‌ سێپته‌مبه‌ردا، سه‌رۆكی‌ ویلایه‌ته‌ یه‌كگرتووه‌كانی‌ ئه‌مریكا بڕیاری‌ دا بودجه‌ی‌ سه‌ربازی‌ زیاد بكات، هۆشداریشی‌ دا وه‌ڵامی‌ هه‌ر هێرشێك ده‌ده‌نه‌وه‌ كه‌ بكرێته‌ سه‌ر وڵاته‌كه‌ی‌.

ئه‌مڕۆ چوارشه‌ممه‌ دۆناڵد تره‌مپ سه‌رۆكی‌ ویلایه‌ته‌ یه‌كگرتووه‌كانی‌ ئه‌مریكا له‌وتارێكدا له‌ رێوڕه‌سمی‌ 18هه‌مین ساڵیادی‌ هێرشه‌كانی‌ 11ی‌ سێپته‌مبه‌ردا رایگه‌یاند، كه‌ بودجه‌ی‌ سه‌ربازی‌ زیاد ده‌كات.

تره‌مپ وتی‌" نامانه‌وێت بكه‌وێنه‌ ململانێكانه‌وه‌، به‌ڵام به‌توندی‌ وه‌ڵامی‌ هه‌ر هێرشێك ده‌ده‌ینه‌وه‌ كه‌ بكرێته‌ سه‌ر ئه‌مریكا".

رۆژی 11ی سێپته‌مبه‌ری ساڵی 2001 ژماره‌یه‌ك هێرش كرانه‌ سه‌ر ویلایه‌ته‌ یه‌كگرتووه‌كانی ئه‌مریكا، نه‌ك هه‌ر ئه‌و وڵاته‌ی هه‌ژاند به‌ڵكو جیهانیشی توشی شۆكێكی گه‌وره‌ كرد و بەهۆیانەوە 2996 هاوڵاتی گیانیان لەدەست دا.


ئا له‌و ڕۆژه‌دا چه‌كدارانی رێكخراوی‌ ئه‌لقاعیده‌ چوار فڕۆكه‌یان رفاند، دووانیان خۆیان كێشا به‌ باڵه‌خانه‌كانی ناوه‌ندی‌ بازرگانی جیهانی له‌ نیویۆرك و یه‌كێكیشیان خۆی كێشا به‌  وه‌زاره‌تی به‌رگری ئه‌مریكا (پنتاگۆن) و چواره‌میشیان پێده‌چێت هه‌وڵی هێرشكردنه‌ سه‌ر كۆنگرێس یان كۆشكی سپی هه‌بووبێت، به‌ڵام له‌ په‌نسلڤانیا كه‌وته‌ خواره‌وه‌.

دوای‌ تێپه‌ڕبوونی‌ ده‌یه‌یه‌ك به‌سه‌ر هێرشه‌كه‌دا، هێزه‌كانی‌ ئه‌مریكا به‌ فه‌رمانی‌ باراك ئۆباما سه‌رۆكی‌ ئه‌وكات له‌ ئایاری‌ 2011 و له‌ پرۆسه‌یه‌كی‌ سه‌ربازیدا ئوسامه‌ بن لادن سه‌رۆكی‌ رێكخراوی‌ قاعیده‌ و پیلاندانه‌ری‌ هێرشه‌كه‌یان كوشت.

بابه‌ته‌ پەیوەندیداره‌كان

نوێترین ڤیدیۆ

COVID-19
تووشبوون
18,834,716
گیان له‌ده‌ستدان
707,158
چاکبوونەوە
12,024,636
تووشبووان
15,500
گیان له‌ده‌ستدان
586
چاکبوونەوە
9,551
تووشبووان
137,556
گیان له‌ده‌ستدان
5,094
چاکبوونەوە
98,442