له‌ ڕۆژئاوای كه‌ركوك هێزێكی ئه‌مریكی بنكه‌یه‌ك به‌ هێزه‌كانی پۆلیسی فیدڕاڵ چۆل ده‌كه‌ن

ماوه‌ی 24 كاتژمێر مۆڵه‌تیان پێ داون

پێشنیوه‌ڕۆی ئه‌مڕۆ دووشه‌ممه‌ 16ی 9ی 2019 هێزێكی ئه‌مریكی چوونه‌ته‌ شارۆچكه‌ی دوبز له‌ ڕۆژئاوای شاری كه‌ركوك و  مۆڵه‌تی 24 كاتژمێر ده‌ده‌ن به‌ بنكه‌یه‌كی سه‌ربازی هێزه‌كانی پۆلیسی فیدڕاڵ تا بنكه‌كه‌ چۆل بكه‌ن.

له‌مباره‌یه‌وه‌ په‌یامنێری كوردستان تیڤی پێی ڕاگه‌یاندین: هێزه‌ ئه‌مریكیه‌كه‌ مۆڵه‌تێكی كاتییان داوه‌ته‌ پۆلیسی فیدڕاڵی تاوه‌كو بنكه‌كه‌یان بۆ چۆل بكه‌ن و خۆیان تیایدا نیشته‌جێ بن.

ڕاشیگه‌یاند: هێزه‌ ئه‌مریكییه‌كه‌ ئه‌و بنكه‌یه‌ به‌ هی خۆیان ده‌زانن و به‌ پۆلیسی فیدڕاڵیان گوتووه‌ به‌ر له‌ ڕووداوه‌كانی 16ی ئۆكتۆبه‌ر ئه‌و بنكه‌یه‌ هێزه‌ ئه‌مریكییه‌كانی تێدا نیشته‌جێ بووه‌ و ئێستاش ده‌یانه‌وێت بگه‌ڕێنه‌وه‌ بۆ بنكه‌كه‌ و پێویسته‌ له‌ماوه‌ی 24 كاتژمێری داهاتوودا به‌ ته‌واوی چۆلیان كردبێت.