شەش وڵاتی کۆمەکبەخش لە ھاوکاریکردنی دارایی عێراق پەشیمان دەبنەوە

به‌هۆی گه‌نده‌ڵی به‌رپرسانی عێڕاقه‌وه‌یه‌

شەش وڵاتی کۆمەکبەخش لە ھاوکاریکردنی دارایی عێراق پەشیمان دەبنەوە و ھۆکارەکەی ئاشکرا دەکەن. ماڵپەڕی (سۆمەرییە نیوز) لە زاری بەرپرسێکی حکوومەتی عێراق بڵاویکردووەتەوە، کە شەش دەوڵەتەکە ھۆکاری پەشیمانبوونەوەکەیان بۆ بڵاوبوونەوەی گەندەڵی و نەبوونی پلانێکی تۆکمە بۆ خەرجکردنی پارەکان بۆ پرۆژەکان، گەڕاندووەتەوە. ئەو بەرپرسە ئاماژەی بە پێویستیی عێراق بە هه‌شتا تا نه‌وه‌د ملیار دۆلار بۆ ئاوەدانکردنەوەی سه‌د و هه‌شتا شار و شارۆچکەی پارێزگاکانی نەینەوا، کەرکووک، دیالە، سەڵاحەدین، ئەنبار و بابل، کردووە .کۆنگرەی دووبارە ئاوەدانکردنەوەی عێراق، کە لە رۆژی دووشەممە دوازده‌ی دوویی دووهه‌زار و هه‌ژده‌ لە کوێت دەستی بە کارەکانی کرد و سێ رۆژ بەردەوام بوو، لەلایەن عێراق، کوێت، یەکێتیی ئەوروپا، نەتەوە یەکگرتووەکان و بانکی نێودەوڵەتی سەرپەرشتی دەکرێت و عێراق خوازیار بوو تێیدا سه‌د ملیار دۆلار وەک کۆمەکی نێودەوڵەتی بە دەست بھێنێت.