پەنابەرێکی رۆژئاوای کوردستان ئاگری لە جەستەی خۆی بەردا

له‌ به‌رده‌م باره‌گای كۆمیسیاری باڵای په‌نابه‌ران له‌ جنێڤ


هاووڵاتییه‌كی كوردی رۆژئاوای كوردستان له‌ به‌رده‌م باره‌گای كۆمیسیاری باڵای په‌نابه‌رانی سه‌ر به‌ نه‌ته‌وه‌یه‌كگرتووه‌كان له‌ جنێڤ، ئاگری له‌ جه‌سته‌ی خۆی به‌ردا و لەئێستادا لە نەخۆشخانەیە.

سیلڤان گیلوم جنتیڵ، گوتەبێژی پۆلیس هه‌واڵه‌كه‌ی پشتراستكرده‌وه‌ و رایگەیاند: ئەو كەسە لە ئەڵمانیا نیشتەجێ بووە و دوای ئاگر لە خۆبەردانی بە هێلیكۆپتەر گواستراوەتەوە بۆ نەخۆشخانەی زانكۆی لۆزان و خراوەتە ژێر چاودێرییەوە له‌ ئێستادا له‌ژێر چاودێری پزیشكیدایه‌.

وتەبێژی پۆلیس گوتیشی: به‌ هۆی ره‌وشی ته‌ندرووستییه‌وه‌، زۆر ئه‌سته‌مه‌ پرسیار له‌ پاڵنه‌ره‌كانی خۆسووتاندنی بكرێت، به‌ڵام ئێمه‌ گومان ده‌كه‌ین ئه‌و به‌ پاڵنه‌ری سیاسی خۆی سووتاندبێت.

ئاماژه‌ی به‌وه‌شكرد كارمەندانی ئەمنی فریای كەوتوون و ئاگرەكەیان كوژاندووەتەوە و هیوای ئەوە دەخوازین چاك بێتەوە.