بانكی رافیده‌ین راگه‌یه‌نراوێكی سه‌باره‌ت به‌ مووچه‌ی فه‌رمانبه‌ران و خانه‌نشینان بڵاوكرده‌وه‌

له‌ رێگای لقی بانكه‌كانیان له‌ به‌غداو پارێزگاكانی دیكه‌

ئه‌مڕۆ پێنج شه‌ممه‌ بانكی رافیده‌ین رایگه‌یاند كه‌ له‌ رێگای لقی بانكه‌كانیان له‌ به‌غداو پارێزگاكانی دیكه‌، به‌رده‌وامن له‌ دابه‌شكردنی مووچه‌ی فه‌رمانبه‌ران و خانه‌نشینان و خاوه‌ن پێداویستییه‌ تایبه‌تییه‌كان.

نووسینگه‌ی رۆژنامه‌وانی بانكه‌كه‌ له‌راگه‌یه‌نراوێكدا ده‌ڵێت: بانك پاره‌ی پێویستی بۆ دابه‌شكردنی مووچه‌ی فه‌رمانبه‌ران و خانه‌نشینان و خاوه‌ن پێداویستییه‌ تایبه‌تییه‌كان و توێژه‌كانی دیكه‌ له‌به‌رده‌ستدایه‌و بڕه‌ پاره‌یه‌كی زۆریش بۆ لقی بانكه‌كان ته‌رخان كراوه‌.

هه‌روه‌ها بانكه‌كه‌ داوای له‌ فه‌رمانبه‌ران و خانه‌نشینان كردووه‌ سه‌ردانی لقه‌كانیان بكه‌ن و هه‌ركاتێك بیانه‌وێ ده‌توانن مووچه‌كانیان وه‌ربگرن.

 

وه‌رگێڕان و داڕشتنه‌وه‌ی / رزگار

سه‌رچاوه‌ / میدیای عێراق