مارك ئیسپه‌ر: نزیكه‌ی 600 سه‌ربازی ئه‌مه‌ریكی له‌ سوریا ده‌مێننه‌وه‌

پێشتر هه‌زار سه‌رباز بوون

وه‌زیری به‌رگری ئه‌مه‌ریكا رایده‌گه‌ێنێ، ئه‌مه‌ریكا هێشتا پشتیوانی له‌ هێزه‌كانی سوریای دیموكرات ده‌كات و نزیكه‌ی 600 سه‌ربازمان له‌ سوریا ده‌مێننه‌وه‌.

مارك ئیسپه‌ر، وه‌زیری به‌رگری ئه‌مه‌ریكا رایگه‌یاند: هاوكات له‌گه‌ڵ كشانه‌وه‌ی به‌شێك له‌ هێزه‌كانی ئه‌مه‌ریكا نزیكه‌ی 600 سه‌ربازی ئه‌مه‌ریكی له‌ سوریا ده‌مێننه‌وه‌ كه‌ پێشتر نزیكه‌ی هه‌زار سه‌رباز بوون.

هه‌روه‌ها گوتی: ئه‌مه‌ریكا هێشتا پشتیوانی له‌ هێزه‌كانی سوریای دیموكرات ده‌كات.

گوتیشی : هێشتا هاوپه‌یمانی هێزه‌كانی سوریای دیموكراتین. به‌رده‌وامین له‌ یارمه‌تیدانیان." هه‌روه‌ها جه‌ختی له‌ ڕۆڵی هێزه‌كانی سوریای دیموكرات كرده‌وه‌ له‌ ڕێگه‌گرتن له‌ دووباره‌ سه‌رهه‌ڵدانه‌وه‌ی ڕێكخراوی داعش.

سه‌رچاوه‌/ ڕۆیته‌رز+ ده‌نگی ئه‌مریكا