لیوا یاسر عەبدولجەبار ئازاد كرا

هەفتە ڕابردوو، لەلایەن ژمارەیەك چەكدارەوە بۆ شوێنێكی نادیار ڕفێندرا


میدیاكانی عێراق بڵاویانكردەوە، لیوا یاسر عەبدولجەبار ئەمڕۆ یەك شەممە ئازادكراوە و هەر ئەمڕۆش گەڕاوەتەوە سەركارەكەی.

میدیایەكی عیراق ئازادكردنی لیوا یاسر عەبدولجەبار، بەڕێوەبەری پەیمانگای باڵای گەشەپێدانی ئاسایش و ئیداری سەر بەوەزارەتی ناوخۆی عیراق بڵاوكردەوە.

هەفتە ڕابردوو، ئەو بەرپرسەی وەزارەتی ناوخۆی عێراق بەرۆژی رووناك و لەیەكێك لەشەقامەكانی بەغدای پایتەخت، لەلایەن ژمارەیەك چەكدارەوە بۆ شوێنێكی نادیار ڕفێندرا.

لیوا یاسر عەبدولجەبار، بەرێوەبەری پەیمانگای باڵاییە بۆ پەرەپێدانی ئیدارەی و ئەمنی.