Erbil 15°C پێنجشەممە 28 ئازار 12:19

به‌ ڤیدیۆ.. بزانه‌ ئۆتۆمبێلێک چۆن  کۆمپانیا به‌رهه‌م هێنه‌ره‌که‌ی شه‌رمه‌زار ده‌کات

ئه‌وكاته‌ی له‌به‌رده‌م خه‌ڵك و میدیاكان تاقیكرایه‌وه‌، به‌ ئاسانی جامی پێشه‌وه‌ی شكا
کوردستان TV
100%

ئیلۆن ماسك، سه‌رۆكی جێبه‌جێكاری كۆمپانیای تێسلا، به‌ بڕوا به‌خۆبوونه‌وه‌ داوای له‌ یاریده‌ده‌ره‌كه‌ی كرد پارچه‌یه‌ك كانزا بكێشێت به‌ جامی ئۆتۆمبێله‌ نوێیه‌كه‌یان چونكه‌ ناشكێت، به‌ڵام به‌ یه‌ك پیاكێشانی جامی ئۆتۆمبێله‌كه‌ شكاو بووه‌ هۆی شه‌رمه‌زاری بۆ كۆمپانیاكه‌یان.

ئه‌و جۆره‌ ئۆتۆمبێله‌ بچووكه‌ی شه‌رمه‌زاریی بۆ كۆمپانیاكه‌ لێكه‌وته‌وه‌ نوێیه‌ و ناوی (Cybertruck) و كاره‌باییه‌ و جۆرێكی ناوازه‌یه له‌ رووی دیزاین و ته‌كنه‌لۆژیاوه‌، به‌ڵام ئه‌وكاته‌ی له‌به‌رده‌م خه‌ڵك و میدیاكان تاقیكرایه‌وه‌، به‌ ئاسانی جامی پێشه‌وه‌ی شكا، هه‌رچه‌نده‌ سه‌رۆكی جێبه‌جێكاری كۆمپانیاكه‌ هه‌وڵیدا پاساوی بۆ بهێنێته‌وه‌ و داوای له‌ یاریده‌ده‌ره‌كه‌ی كرد كانزاكه‌ بكێشێت به‌ جامی پشته‌وه‌دا، به‌ڵام ئه‌ویش وه‌ك جامی پێشه‌وه‌ شكا و به‌ڕێوه‌به‌ری دیزاینیشی خسته‌ هه‌ڵوێستێكی ناخۆش و شه‌رمه‌زارییه‌وه‌.

ئیلۆن ماسكیش هه‌وڵی پاساودانی دا و له‌وكاته‌ی ئاماده‌بووان پێده‌كه‌نین  وتی “پێده‌چێت پێداكێشانه‌كه‌ هه‌ندێك به‌هێز بووبێت بۆیه‌ ئه‌وه‌ روویدا”.

سه‌رچاوه‌/  ته‌با

كوردستان تیڤی/ كامران

زانست و تەکنۆلۆژیا

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.