سه‌رجه‌م هێزه‌ ئه‌منییه‌كانی پارێزگای به‌سره‌ خراونه‌ته‌ ئه‌وپه‌ڕی ئاماده‌باشییه‌وه‌

له‌به‌ره‌به‌یانی ئه‌مڕۆوه‌

به‌گوێره‌ی هه‌واڵێكی ئاژانسی فورات نیوز سه‌رجه‌م هێزه‌ ئه‌منییه‌كانی پارێزگای به‌سره‌ له‌به‌ره‌به‌یانی ئه‌مڕۆوه‌،خراونه‌ته‌ ئه‌وپه‌ری ئاماده‌باشییه‌وه‌.

هه‌روه‌ها سه‌رچاوه‌ ئه‌منییه‌كان رایگه‌یاندووه‌ كه‌ فه‌ریق روكن قاسم نزال، فه‌رمانده‌ی ئۆپه‌راسیۆنه‌كانی به‌سره‌، فه‌رمانی كردووه‌ كه‌ سه‌رجه‌م هێزه‌ ئه‌منییه‌كان بۆ هه‌ر حاڵه‌تێكی نه‌خوازراو بۆ كاتێكی نادیار بخرێنه‌ ئاماده‌باشییه‌وه‌.

واپێشبینی ده‌كرێت ئه‌مڕۆ له‌مه‌یدانی ته‌حریری به‌غدا، به‌به‌شداری خۆپیشانده‌رانی پارێزگاكانی دیكه‌ی عێراق، خۆپیشاندانی ملیۆنی به‌رێوه‌بچێت.

وه‌رگێڕان و داڕشتنه‌وه‌ی / رزگار