پادشای سعودیە داوایكرد وڵاتانی كەنداو یەكبگرن بۆ رووبەڕوبوونەوەی ئێران

كارەكانی لوتكەی وڵاتانی ئەنجومەنی هاریكاری كەنداو دەستیپێكرد


شای سعوودیە داوا لە سەركردەكانی ئەنجوومەنی ھاوكاری كەنداو دەكات، رووبەڕووی كردەوە دوژمنكاریەكانی ئێران ببنەوە.

پاشنیوەڕۆی ئەمڕۆ لە ریازی پایتەختی سعودیە كارەكانی لوتكەی وڵاتانی ئەنجومەنی هاریكاری كەنداو دەستیپێكرد و نوێنەری قەتەریش ئامادەیە.

سەرەتای لوتكەكە لەلایەن شا سەلمان بن عەبدولعەزیز پادشای سعودیەوە كرایەوە و تێیدا جەختیكردەوە لەوەی پێویستە ئەنجومەنەكە قەیرانەكانی ناوچەكە تێپەڕێنێت و هەروەها داوایكرد وڵاتانی كەنداو یەكبگرن بۆ رووبەڕوبوونەوەی ئێرانی دوژمنیان و خۆپاراستنیان لەو هێرشە موشەكییە بالستییەی ئەگەری هەیە بكرێتەسەریان.

جه‌ختیشی كرده‌وه‌، لە كاتێكدا ئێران تا ئێستاش كردەوەی دوژمنكارانە ئەنجام دەدات، بۆیه‌ پێویستە بەرامبەر دۆخەكە یەكڕیز بن.

ئەنجوومەنی هاریکاریی کەنداو ئەنجوومەنێکی ئابووری و سیاسییە و ساڵی 1981 دامەزراوە. وڵاتەکانی سعوودیە، قەتەر، ئیمارات، کوەیت، بەحرەین و عومان تێیدا ئەندامن. ئامانجیان زیادکردنی هاوئاهەنگییە لە بوارە جیاوازەکاندا.