Erbil 15°C پێنجشەممە 28 ئازار 11:24

مەسرور بارزانی ساڵیادی دامەزراندنی یەکێتی قوتابیان و لاوانى دیموکراتى کوردستان پیرۆز ده‌کات

67 ساڵ به‌سه‌ر دامەزراندنی یەکێتی قوتابیانی کوردستان و یەکێتی لاوانی دیموکراتی کوردستان تێده‌په‌رێت
کوردستان TV
100%

مه‌سرور بارزانی، سه‌رۆكی حكومه‌تی هه‌رێمی كوردستان په‌یامێكی پیرۆزبایی ئاراسته‌ی هه‌ردوو رێكخراوی یه‌كێتی قوتابیان و یه‌كێتی لاوانی دیموكراتی كوردستان كرد، كه‌ ئه‌مه‌ش ده‌قی په‌یامه‌كه‌یه‌تى:-

بەبۆنەی شەست و حەفت ساڵەی دامەزراندنی یەکێتی قوتابیانی کوردستان و یەکێتی لاوانی دیموکراتی کوردستان ، پیرۆزبایی لە ئەندامانی هەردوو رێکخراوە تێکۆشەرەکە و  قوتابیان و لاوانی  کوردستان دەکەم کە مێژوویەکی گەشیان هەیە لە بەشداریکردن لە بزووتنەوەی رزگاری نیشتمانیی کوردستان و  پەرەپێدانی هزری نیشتمانپەروەری و بەرەو پێشبردنی توانا وئاستی زانستی قوتابیان و لاوانی کوردستان . ئەم دوو رێکخراوە ، قوتابخانەیەکیش بوون بۆ پێگەیاندنی چەندین سەرکردەی بە توانا کە ئێستا لە بوارە جیاجیاکاندا رۆڵێکی پێشەنگانە دەگێڕن. 

هیوادارم بەردەوام بن لە هەوڵ و تێکۆشانتان بۆ پاراستنی بەها نیشتمانییەکان دوور لە هزری تووندڕۆیی ، لە پێناو بە دیهێنانی دوارۆژێکی گەشتر و کوردستانێکی ئاوەدانتر و پێشکەوتووتر دا. 

مەسرور بارزانی
2020/2/17

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.