بەشار ئەسەد: هێشتا شەڕو پلانگێڕی دژی سووریا كۆتایی نەهاتووە

بەشار ئەسەد هەواڵی کۆنترۆڵکردنەوەی حەلەبی راگەیاند

بەشار ئەسەد، سەرۆكی سووریا لە وتارێكیدا لەسەر دۆخی سووریا رایگەیاند" هێشتا شەڕو پلانگێڕی دژی سووریا كۆتایی نەهاتووە.

ئەسەد بەڵێنی کۆنترۆڵکردنەوەی تەواوی ناوچەکانی ژێردەسەڵاتی ئۆپۆزسیۆنی داو راشیگەیاند، پلانی ئاوەدانکردنەوەی حەلەبیان هەیە و ئەو شارە جارێكى تر دەبوژێننەوە.

وتیشی" خەڵکی حەلەب لەماوەی داگیرکردنی شارەكەیاندا باجێکی زۆریان داوە، به‌لام هه‌رگیز نەوەستاون لەبەرهەمهێنان و لەکار و كاسبى خۆیاندا به‌رده‌وام بوون.

سەرۆکی سووریا هه‌روه‌ها هەواڵی کۆنترۆڵکردنەوەی حەلەبی راگەیاندو وتیشى" کۆنترۆڵکردنەوەی حەلەب بەواتای کۆتاییهاتنی شەڕ و پلانی دوژمنکارانە و کردەوەی تیرۆرستی نیە، بەڵکو تەنها ئاماژەیەکە بۆ شکاندنی لوتی دوژمنەکان و سەرکەوتنی گەورەتر لەئایندەیەکی نزیکدا.