لیبیا زیاتر له‌ یه‌ك ملیار دۆلار زیانی به‌رده‌كه‌وێت

به‌ هۆی وه‌ستانی هه‌نارده‌ی نه‌وته‌وه‌یه‌

دامه‌زراوه‌ی نیشتیمانی نه‌وتی لیبیا به‌یانامه‌یه‌ك له‌ سه‌ر ئاستی به‌رهه‌مهێنانی نه‌وتی وولاته‌كه‌ی بڵاوده‌كاته‌وه‌ ، به‌ گوێره‌ی به‌یانامه‌كه‌ ده‌رده‌كه‌وێت كه‌ له‌ ئێستادا لیبیا ته‌نها سه‌د و سی و پێنج هه‌زار و حه‌وتسه‌د و چل و پێنج به‌رمیل له‌ رۆژێكدا نه‌وت به‌رهه‌مده‌هێنێت.. دامه‌زراوه‌كه‌ له‌ باره‌ی زیانه‌كانی داخستنی ده‌رچه‌كانی هه‌نارده‌ی نه‌وتی لیبیاوه‌ ده‌لێت زیاتر له‌ یه‌ك ملیار و شه‌شسه‌د ملیۆن دۆلار زیانیان پێ گه‌یشتووه‌ له‌وكاته‌ی له‌ رۆژی دوانزه‌ی مانگی رابردووه‌ ئاستی به‌رهه‌مهێنان و هه‌نارده‌ی نه‌وتی لیبیا به‌ شێوه‌یه‌كی ئێجگار زۆر دابه‌زیووه‌ به‌ هۆی گرووپه‌ چه‌كداره‌كان و به‌رپرسه‌ سه‌ربازییه‌كانی له‌ رۆژهه‌لاتی لیبیادا.