عادل عه‌بدولمه‌هدی: له‌ 2ی ئاداره‌وه‌ هیچ به‌رپرسیارییه‌تییه‌ك له‌ئه‌ستۆی مندا نامێنێت

هۆشداری ده‌داته‌ ئه‌نجومه‌نی نوێنه‌رانی عێراق

عادل عه‌بدولمه‌هدی، سه‌رۆك وه‌زیرانی ده‌ست له‌كاركێشاوه‌ی عێراق ئه‌مڕۆ چوارشه‌ممه‌ نامه‌یه‌كی ئاراسته‌ی ئه‌نجومه‌نی نوێنه‌رانی عێراق كردووه‌ داوا ده‌كات كار ئاسانی بۆ ئه‌ركه‌كه‌ی محه‌مه‌د تۆفیق عه‌للاوی، سه‌رۆك وه‌زیرانی راسپێردراو بكرێت و ئاسته‌نگه‌ جددی و دروستكراوه‌كان تێبپه‌ڕێندرێت.

هه‌روه‌ها عه‌بدولمه‌هدی هۆشداری ده‌دات له‌چوونه‌ نێو بۆشایی ده‌ستووری تازه‌ به‌هۆی دواكه‌وتنی پێكهێنانی حكومه‌تی نوێی عێراق.

سه‌رۆك وه‌زیرانی ده‌ست له‌كاركێشاوه‌ی عێراق، په‌رله‌مانی عێراق ئاگادار ده‌كاته‌وه‌ كه‌دوای به‌رواری 2-3-2020 هیچ به‌رپرسیارییه‌تییه‌كی له‌ئه‌ستۆدا نامێنێت.

وه‌رگێڕان و داڕشتنه‌وه‌ی / رزگار